विराटनगरका साहित्यकार/कृति
Birat Post बिहिबार, चैत्र २१, २०८१ मा प्रकाशित
काठमाडौँ ,२१ चैत । नेपाल शिक्षक महासङ्घ राष्ट्रिय समितिको नेतृत्वमा काठमाडौँ केन्द्रित अनिश्चितकालीन शिक्षक आन्दोलनमा देशैभरिका शिक्षकहरु सहभागी भएका छन्। । उनीहरूले पटकपटक आन्दोलन सहमति सम्झौता गरेता पनि सरकार पक्षले कार्यान्वयन नगरेको भन्दै यसपालिको आन्दोलन नतिजा देखिने गरी हुनुपर्नेमा जोड दिएका छन्।
गत माघ २० गतेदेखि चरणबद्ध रुपमा आन्दोलित शिक्षकहरू दोस्रो चरणको आन्दोलन अन्तर्गत चैत २० गतेदेखि अनिश्चितकालीन आन्दोलनमा होमिएका हुन् । माध्यमिक शिक्षा परीक्षा र वार्षिक परीक्षा सम्पन्न गरी उत्तरपुस्तिका समेत परीक्षण नगरी शिक्षकहरू काठमाडौँ केन्द्रित आन्दोलनमा सहभागी भएका छन् । कक्षा १० को माध्यमिक शिक्षा परीक्षा २०८१ को उत्तरपुस्तिका समेत परीक्षण नगर्ने उनीहरुले बताइसकेका छन्। पहिलो चरण अन्तर्गत उनीहरूले माघ र फागुन महिनामा स्थानीय पालिका हुँदै केन्द्रमा आन्दोलन गर्ने निचोडमा पुगेका हुन्।
उनीहरूको शैक्षिक र पेशागत तथा नीतिगत मागहरू रहेका छन्। ५३ वर्ष अगाडिको पञ्चायत सरकारले ल्याएको शिक्षा ऐन २०२८ विस्थापित गरी संघीय विद्यालय शिक्षा ऐन २०८० संसदबाट छिटोभन्दा छिटो पारित गर्न दबाब दिने उद्देश्यले आन्दोलन गरिएको नेपाल शिक्षक महासङ्घ केन्द्रीय समितिका अध्यक्ष लक्ष्मी किशोर सुवेदी ले जानकारी दिए । यसपालिको आन्दोलन उधारो सहमति नहुने उनले बताए । सामुदायिक विद्यालयहरूमा कार्यरत सबै प्रकारका शिक्षक विद्यालय कर्मचारी बाल विकास शिक्षक लगायतका २ लाख ५० हजार बढी विद्यालय शिक्षक र कर्मचारी आन्दोलित भएका हुन्। दोस्रो दिनको आन्दोलन पश्चात उनीहरूले आन्दोलनमा थप शिक्षकहरू जिल्लाजिल्लाबाट काठमाडौँ आउने क्रम जारी रहेको बताए ।
शान्तिपूर्ण आन्दोलन तथा जिम्मेवार भएर आन्दोलनलाई अगाडि बढाउने उनीहरूको भनाइ छ । पटकपटक शिक्षामन्त्री र सांसदहरूले विद्यालय शिक्षा ऐन चालु हिउँदै अधिवेशनबाट ल्याउने प्रतिबद्धता जनाए पनि संसदको हिउँदै अधिवेशन अन्त्य भएपश्चात शिक्षकहरू शिक्षा ऐन नआएको भन्दै बढी आक्रोशित भएका हुन् । शिक्षा मन्त्रालयले उनीहरूलाई वार्तामा बोलाए पनि उनीहरुले ऐन नआउन्जेलसम्म सडक आन्दोलन जारी रहने चेतावनी दिए ।
सुनको मूल्य तोलामा ३९०० घट्यो
इक्युवालिटि कप क्रिकेटको उपाधि मोरङलाई
एउटा दलको निरङ्कुश सत्ता विरुद्ध अर्को दलले आन्दोलन गर्न कठिन भए पनि गाह्रो चाहिँ हुन्न : राप्रपा नेता बल्लभ दाहाल
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
