विराटनगरका साहित्यकार/कृति
Birat Post मंगलबार, चैत्र १९, २०८१ मा प्रकाशित
विराटनगर,१९ चैत । नेपाल ज्योतिष परिषदको आयोजना, दक्षिण एसियाली ज्योतिष महासंघ र विश्व ज्योतिष महासंघको संयुक्त सह-आयोजना तथा नेपाल ज्योतिषपरिषद झापा जिल्ला समितिको व्यवस्थापनमा हाजिरीजवाफ प्रतियोगिता एवं ज्योतिष दिवस सम्पन्न भएको छ ।
हाजिरीजवाफ प्रतियोगितामा कोशी प्रदेशका उपाध्यक्ष नारायण पौडेलको समूह प्रथम, कोशी प्रदेस समितिकै सचिव पिपल चौलागाईंको समूह द्वितिय तथा झापा जिल्ला समिति उपाध्यक्ष कोकिला ढुंगेलको समूहले तेश्रो स्थान हासिल गर्दै कार्यक्रम सम्पन्न भएको छ ।
कार्यक्रममा सान्त्वना पुरस्कार दक्षिण एसियाली ज्योतिष महासङ्घका सचिव परशुराम पोखरेलको समूहले प्राप्त गरेको थियो। १० राउण्डमा सञ्चालित प्रतियोगिता कोशी प्रदेशका वरिष्ठ विद्वान तथा विदुषीहरुले सहभागिता जनाउनु भएको थियो ।
हाजिरीजवाफ प्रतियोगिता कोशी प्रदेशका प्रमुख सल्लाहकार तथा शिक्षा विभाग प्रमुख सन्तोष पोख्रेल सिन्धु शास्त्रीले सञ्चालन गर्नुभएको थियो । कार्यक्रममा प्रथम, द्वितिय र तृतिय हुने समूह तथा सहभागीलाई शिक्षा विभागाध्यक्ष सन्तोष पोखरेल “सिन्धुशास्त्री” र प्रदेश अध्यक्ष बाबुराम निरौलाले प्रमाणपत्र ट्रफि तथा मेडल प्रदान गर्नुभएको थियो ।
कार्यक्रमको मुल संयोजन ज्यो.नारदमणी न्यौपानेले गर्नुभएको थियो । नेपाल ज्योतिष परिषदका कोशी प्रदेश समितिका अध्यक्ष बाबुराम निरौलाको अध्यक्षता तथा शिवसताक्षी नगरपालिकाकी उपप्रमुख नरमाया कार्कीको प्रमुख आतिथ्यतामा भएको कार्यक्रममा परिषदले पत्रकारिता क्षेत्रबाट विष्णु सुब्बासहित ज्योतिष विधाबाट सिन्धुशास्त्री सन्तोष पोख्रेल,ज्येष्ठ ज्योतिष गिताराम लम्साल, धर्मशास्त्र विधाबाट विदुषी वृन्दा बराल, ज्योतिष तन्त्र विधाबाट ज्ञानेन्द्र खरेल,सहयोगी दाताका रुपमा गोमादेवी मिश्र (न्यौपाने ) गरि छ जनालाई एकैसाथ सम्मान गरेको थियो ।
ज्योतिष पोखरेल र पत्रकार सुब्बा सम्मानित
साथीलाई गोली लागेको विरोधमा कोटेश्वर बहुमुखी क्याम्पसका विद्यार्थीहरूद्वारा प्रदर्शन
‘इद उल फित्र’ मनाइदै (फोटो फिचर सहित)
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
