Birat Post बिहिबार, चैत्र ०७, २०८१ मा प्रकाशित
विराटनगर , ६ चैत्र । नेपाली कांग्रेसका केन्द्रीय सदस्य भीम पराजुलीले गिरिजाप्रसाद कोईराला नेपाली राजनीतिमा निर्भिक, सशक्त र निडर नेता भएको बताएका छन् । उनले गिरिजाप्रसदको नेतृत्वमा शान्ति प्रक्रियाको स्थिति अघि बढेको भन्दै उनको स्मरण गरे । पूर्वप्रधानमन्त्री एवं नेपाली कांग्रेसका तत्कालीन सभापति गिरिजाप्रसाद कोइरालाको १५ औँ स्मृति दिवसका अवसरमा विराटनगरको कोशी अस्पतालमा बिहिबार आयोजित फलफूल वितरण कार्यक्रममा बोल्दै उनले यस्तो बताएका हुन् ।
कार्यक्रममा बोल्दै पराजुलीले गिरिजाप्रसाद कोईराला नेपाली राजनीतिमा निर्भिक, सशक्त र निडर नेता भएको बताए । गिरिजाप्रसाद कोईरालाको नेतृत्व नेपाली राजनीतिमा नभएको भए नेपालमा आज गणतन्त्र आउँदैन थियो’, उनले भने, ‘त्यो बेलाको हिंसा अन्त्य हुने स्थिति पनि बन्दैन थियो । गिरिजाप्रसदको नेतृत्वमा शान्ति प्रक्रियाको स्थिति अघि बढेको हो । गिरिजाप्रसाद कोईराला देशलाई निकास दिने, नेपालमा भएका हिंसा अन्त्य गर्ने शाहस उहाँको उदाहरणीय छ ।’ विशेषत शान्ति प्रक्रियामा उहाँले पुर्याउनु भएको योगदान अतुलनीय छ ।
जीपी कोइराला फाउन्डेसन कोशी प्रदेश , मोरङ जिल्ला तथा विराटनगर समितिले सम्युक्तरुपमा विविध कार्यक्रम गरेको हो । फाउण्डेसनले कोशी अस्पतालमा १५० जनाभन्दा बढीलाई फलफुल वितरण गर्नका साथै कोइरालाको तस्विर सहित नगरका विभिन्न भागको परिक्रमा गरी फुलमाला सहित श्रद्धान्जली अर्पण गरेको थियो । फाउन्डेसन कोशी प्रदेशका अध्यक्ष सुधिर रेग्मी ,मोरङ जिल्ला अध्यक्ष राजकुमार मण्डल र विराटनगरका नगर अध्यक्ष प्रविन जोशी ,नेपाली कांग्रेसका युवा नेता अरुण न्यौपाने, फाउण्डेसन मोरङका संस्थापक अध्यक्ष कौशल निरौला लगायतले अस्पतालका १ सय ५० जना विरामीहरूलाई फलफूल वितरण गरेका थिए । कार्यक्रममा नेपाली कांग्रेस नेतृ लिला ढुङ्गेल, फाउण्डेसन जिल्ला सह सचिव अनुराग पाठक लगायतको सहभागिता रहेको थियो ।
एमसीसी परियोजना बन्द गर्ने अमेरिकी निर्णयले नेपाल प्रभावित हुनसक्ने
व्यवसाय प्रवर्धनका लागि झापा र सुनसरीका व्यवसायीबीच असल अभ्यास साटासाट कार्यक्रम
शिक्षामन्त्रीमा रघुजी पन्त नियुक्त
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
