Birat Post सोमबार, चैत्र ०४, २०८१ मा प्रकाशित
विराटनगर,३ चैत्र । विराटनगरमा यही चैत ५ गतेदेखि रासलीला कार्यक्रम हुने भएको छ । श्रीहरि सत्संग समिति नेपालको आयोजनामा विराटनगर स्थित अतिथि सदन भवनको पछाडि रहेको राधा मण्डपमा कार्यक्रम हुन लागेको हो । भारतको बृन्दावनबाट आउन लागेका २१ जना कलाकारहरूको टोलीले राधाकृष्णले बिताएको जीवन शैलीमा आधारित कथा वस्तुलाई समेटेर रासलीला कार्यक्रम देखाइने छ ।
चैत ५ गते कोशी प्रदेशका प्रदेश प्रमुख पर्शुराम खापुङले रासलीला कार्यक्रमको उद्घाटन गर्ने छन् । उक्त कार्यक्रम ९ गते समापन हुनेछ । कार्यक्रममा रासलीला संगै मारवाडी, थारु, मैथिली र सन्थाल जातीको धर्म संस्कृति झल्काउने सांस्कृतिक कार्यक्रम समेत सञ्चालन हुने श्रीहरि सत्संग समिति नेपालका अध्यक्ष भिखमचन्द सरले जानकारी दिए ।
रासलीला कार्यक्रमलाई भव्य रूपमा आयोजना गर्न समितिका कोशी प्रदेश उपाध्यक्ष महेशकुमार साह “स्वर्णकार” लाई संयोजक र उद्योगी घनश्याम काबरालाई सह संयोजकको जिम्मेवारी प्रदान गरिएको छ । संयोजकको जिम्मेबारी सम्हालेका स्वर्णकारले रासलीला कार्यक्रम हेर्न भक्तजन उत्साहित रहेको बताएका छन् ।
५ दिनमा १५ हजार भन्दा बढी भक्तजनहरूले रासलीला कार्यक्रमको अवलोकन गर्ने स्वर्णकारको भनाई छ । भगवान् श्री राधाकृष्णको जीवन शैलीमा आधारित रासलीला कार्यक्रम मञ्चन गर्न भारतको वृन्दावनबाट २१ जना कलाकारहरूको टोली सोमबार विराटनगर आइपुगेको उनले जानकारी दिए । स्वर्णकारका अनुसार भारतको हैदरवादबाट कार्यक्रममा सहभागिता जनाउन श्री श्री चिन्न जीयर स्वामी विराटनगर आइपुगेका छन् । स्वामी चिन्न जीयरको सानिध्यतामा कोशी प्रदेशका प्रदेश प्रमुख पर्शुराम खापुङले रासलीला कार्यक्रमको शुभारम्भ गर्ने छन् ।
एमसीसी परियोजना बन्द गर्ने अमेरिकी निर्णयले नेपाल प्रभावित हुनसक्ने
व्यवसाय प्रवर्धनका लागि झापा र सुनसरीका व्यवसायीबीच असल अभ्यास साटासाट कार्यक्रम
शिक्षामन्त्रीमा रघुजी पन्त नियुक्त
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
