featured photo: Birat Post

संखुवासभा,१५ माघ । नेपाली कांग्रेसले संखुवासभा सभापोखरि बाह्रबिसेका आगलागि पिडितहरुलाई राहत वितरण गरेको छ । स्थानिय कांग्रेस कार्यकर्ताद्धारा संकलित ४ लाख ८४ हजार ४ सय ४७ रुपैया नगद आगलागि पिडितहरुलाई प्रदान गरिएको हो । कांग्रेसको १ सय दिने अभियान अन्तरगत संखुवासभा पुगेका नेपाली कांग्रेस केन्द्रीय सदस्य भीम पराजुलीले उक्त रकम हस्तान्तरण गरेका थिए ।

सभापोखरी गाउँपालिका–६ स्थित बजारमा माघ २ गते दिउँसो भएको आगलागीमा परि १७ घर जलेका थिए । आगलागिमा लाखौं रुपैयाँ बराबरको क्षति भएको वडाध्यक्ष जितेन्द्र वनेम लिम्बूले जानकारी दिए। आगलागीबाट मानवीय क्षति नभएपछि घर पूर्णरुपमा जलेको थियो । अभियान अन्तरगत पुगेका नेता पराजुलीले जनताको घरदैलोमा पुग्ने र समस्या सुन्ने काममा कांग्रेस लागेको वताए ।

आगलागिबाट भएको क्षतिप्रति उनले दुःख व्यक्त गरेका थिए । मानवीय त्रुटीका कारण हुने दुर्घटना र भइपरि आउने भवितव्य समाधानका लागि आवश्यक व्यवस्थापनमा जुट्नु आजको आवश्यकता भएको उनले औल्याए । कोशी प्रदेशका सांसद समेत रहेका पराजुलीले केही समय अगाडि प्रदेश सरकारलाई आगलागि पिडित परिवारलाई राहत प्रदान गर्न पनि आग्रह गरेका थिए ।