featured photo: Birat Post

विराटनगर १४ माघ । पूर्व राष्ट्रपति विद्यादेवी भण्डारीले दलीय  जिम्मेवारी लिने चरणमा आफु पुगी नसकेको बताउनु भएको छ । राजनीतिमा चासो राख्नेले छलफलको विषय बनाए पनि दलीय  जिम्मेवारी लिने चरणमा पुगी नसकेको उहाँको भनाई ।

आज विराटनगरमा पत्रकारसँगको भेटघाट कार्यक्रममा पूर्व राष्ट्रपति भण्डारीले भन्नुभयो,‘ मेरो छलफलको विषय बनेको छैन । त्यसका लागि बेला भएको छैन ।’ राष्ट्रपति प्रणाली, राष्ट्रपति गैरराजनीतिक पद र जिम्मेवारी नभएको उहाँको जिकिर छ । उहाँले भन्नुभयो ,‘ जन्मेर, हुर्केर आएदेखि नेकपा एमाले भएको र जिम्मेवारी पनि त्यसरी नै पाएकाले भोलि जाँदा पनि त्यहीँ हो ।’

राष्ट्रले आवस्यकता महसुस गरे राजनीतिमा फर्किन सक्ने उहाँको भनाई छ । उहाँले भन्नुभयो,‘ अहिले मिडियामा मेरो बारेमा आएका आएका कुरा गलत छन् ।’ उहाँले आफु सचेत, संगिठत भएर हिँडे देखि राष्ट्रिय राजनीतिमा चासो राखेर हिँडेको पूर्व राष्ट्रपति भण्डारीको भनाई छ । उहाँले भन्नुभयो,‘ राष्ट्रिय एजेन्डामा चासो हुन्छ । हरेकले राष्ट्रिय राजनीति बुझ्न आवस्यक छ । राजनीतिबाट कोही पनि अछुत छैन । कोही पनि राष्ट्रिय राजनीतिबाट फरक छैनौं । राजनीतिमा गहिरो चासो छ ।’

राष्ट्रिय राजनीतिको एजेन्डा आफ्नो भएको उहाँको तर्क छ । शिक्षा, सामाजिक विभेद, विज्ञान र प्रविध, खानेपानी आफ्नो राजनीतिक एजेन्डा भएको उहाँले बताउनुभयो । पूर्व राष्ट्रपति भण्डारी देशको सर्वोपरिलाई ध्यानमा राखेर काम गर्न उहाँले आग्रह पनि गर्नुभयो ।

सम्बन्धित

आज सहिद दिवस : स्वतन्त्रताका लागि जीवन आहुति गर्नेहरूको सम्झना

शहीद दिवस मनाउन प्रदेश र स्थानीय तहलाई पनि सर्कूलर

नेका केन्द्रीय सदस्य पराजुलीले बाँडे संखुवासभा बाह्रबिसेका आगलागि पिडितलाई राहत

सरकारले राष्ट्रपति चुरे–तराई मधेस संरक्षण विकास समिति खारेज गर्न खोज्नु गलत : पूर्ववनमन्त्री महेश आचार्य