featured photo: Birat Post

विराटनगर,११ माघ ।
लायन्स क्लब अफ विराटनगर इनोभेटिभले सुनसरीको चकरघट्टी महेन्द्रनगरमा रहेको महेन्द्र माविका विद्यार्थीहरुलाई शैक्षिक सामाग्री वितरण गरेको छ ।

बिहिबार एक कार्यक्रमका बीच विद्यार्थीहरुलाई शैक्षिक सामाग्री वितरण गरिएको इनोभेटिभकी अध्यक्ष रन्जिता खनाल पराजुलीले जानकारी दिइन् । झण्डै १ लाख बराबरको रकमका सामाग्री र छात्रवृत्री प्रदान गरिएको छ ।

शिशु कक्षादेखि १२ सम्म प्रथम हुने विद्यार्थीलाई जनही ५१०० सय र ११०० का दरले नगद र कपि,कलम, पेन्सिल, जमेट्रीबक्स,ब्याग लगायतका सामाग्री सहित कदर पत्रले सम्मान गरिएको थियाे । दक्षरूप्पा मित्रलाल घिमिरे स्मृति प्रतिष्ठानका संस्थापक ,उद्यमी तथा लायन भीम घिमिरे र इनोभेटिभकी संस्थापक अध्यक्ष अजिता बरालको विषेश सहयोगमा कार्यक्रम सम्पन्न भएको थियो ।

यस्तै कार्यक्रममा सहभागी आन्तरिक मामिला तथा कानुन मन्त्री रेवती रमण भण्डारीले लायन्स क्लब अफ विराटनगर इनोभेटिभले गरेका कार्यहरुको प्रशंसा गरेका थिए । उनले सवैको साथ सहयोगबाटै समाजमा राम्रा कामको थालनी गर्न सकिने बताए । शैक्षिक क्षेत्रमा देखिएका समस्या समाधान गर्ने दायित्व राज्यको भएपनि समाजका अगुवा विना यसको सुधार गर्न नसकिने बताए ।

कार्यक्रममा लायन्स डिष्टिक गभर्नर विकास अधिकारी, विद्यालय व्यवस्थापन समितिका अध्यक्ष योगेन्द्र महतो,प्रधानाध्यापक चण्डीराज पोखरेल,लायन इनोभेटिभकी पूर्व अध्यक्ष जिना श्रेष्ठ , रिता पोखरेल,इनोभेटिभकी उपाध्यक्ष लक्ष्मी घिमिरे लगायतको सहभागिता रहेको थियो ।