featured photo: Birat Post

विराटनगर, २५ पुस । मेचु धिमाल र सुरेश साङपाङ राईको स्वरमा रहेको नयाँ गीत ‘शिरैमा शिरफुल’ बजारमा आएको छ । कल्पना आङबुहाङ र सुजन सेरेङ चोङबाङ को शब्द तथा सुरेश साङपाङ राईको संगीतमा गीत तयार गरिएको छ । गीतलाई कल्पना आङबुहाङको आफ्नै युट्युब च्यानलबाट बुधबार गीत सार्वजनिक गरिएको हो ।

पुर्वेली लोक लयमा आधारित गीतमा पुर्वेली लोक संस्कृतिको र लिम्बू संस्कृतिलाई प्रस्तुत गरिएको छ । शिरैमा शिरफुलमा लगाएर आफनी प्रेमीका लाई मायाको संसारमा सयर गराउनको लागी अनुरोध गरिएको छ । धान नाच नाचेर आपसमा माया साटासाट गर्न आग्रह समेत गीतमा गरिएको छ । सुवास लिम्बुको छायाँकन , विनोद याक्खाको सम्पादन तथा राज लावतीको निर्देशन भिडियोमा रहेको छ । गीतको भिडियोमा सुन्दर खवास र ज्योती आङबुहाङको अभिनय तथा नृत्य देख्न सकिन्छ ।