Birat Post मंगलबार, पुष २३, २०८१ मा प्रकाशित
विराटनगर ,२३ पुस । चुडाकवि स्मृति प्रतिष्ठानको आयोजनामा चौथो जिल्ला स्तरीय वादविवाद प्रतियोगिता हुने भएको छ । मोरङको बुढीगंगा स्थित स्मृति बोर्डिङ स्कुलले गर्दै आएको प्रतियोगिता यस वर्षदेखि प्रतिष्ठानले गर्न लागेको हो ।
हरेक वर्ष माघ ९ गते हुने यस प्रतियोगितामा जिल्लाभरिका ५१ भन्दा बढी विद्यालयले सहभागिता जनाउने अपेक्षा प्रतिष्ठानको छ । भौतिक पूर्वाधार विकास कि समाजिक पूर्वाधार विकास भन्ने शिर्षकमा हुने वादविवादमा प्रतियोगिहरुले पक्ष र विपक्षमा विचार राख्नेछन् । पक्ष र विपक्षको छनौट गोलाप्रथाबाट गरिनेछ ।
कक्षा १२ सम्मका विद्यार्थीले सहभागिता जनाउने प्रतियोगितामा नेपाली र अग्रेजी भाषामा विचार राख्न पाइने प्रतिष्ठानकी महासचिव रिता न्यौपानेले बताउनुभयो । उहाँका अनुसार प्रतियोगिताका निर्णायकहरुमा सिस्नुपानी नेपालका सचिव सरोज घिमिरे, लेखक तथा साहित्यकार सुविन भट्टराई र कस्तुरी कलेज सुनसरीकी निर्देशक भेषजा काफ्ले रहनुहुने छ ।
पक्ष र विपक्षमा उत्कृष्ट विचार राख्नेहरु मध्ये प्रथमलाई २०/२० हजार, द्वित्यि लाई १५/१५ हजार र तृतीय हुनेलाई ११/११ हजार रुपैयाँ नगदसहित सम्मानपत्र प्रदान गरिने छ । प्रतियोगितामा सहभागिता जनाउने मोरङका सामुदायिक तथा संस्थागत विद्यालयले माघ ५ गतेभित्र नाम दर्ता गराइसक्नुपर्ने छ भने २ हजार १ सय रुपैयाँ प्रवेश शुल्क बुझाउनुपर्ने प्रतिष्ठानले जनाएको छ ।
किन यस्तो भने पूर्व राजा ज्ञानेन्द्र शाहले, “हामी सुनको कमण्डलु बोकेर भिख माग्दैछौँ”
गीतकार कल्पना आङबुहाङको ‘शिरैमा शिरफुल’ सार्वजनिक
चुडाकवि स्मृति प्रतिष्ठानले चौथो जिल्लास्तरीय वादविवाद प्रतियोगिता गर्ने
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
