Birat Post मंगलबार, मंसिर १८, २०८१ मा प्रकाशित
विराटनगर,१८ मंसिर । प्रदेश सम्मेलनअघि कोशीमा कुनै भेला छैन भनेर केन्द्रीय कार्यालयले सर्कुलर गरेपनि मंगलबार विराटनगरमा शेखर कोइराला समूहले पालिका सभापतिहरूको भेला सम्पन्न गरेको छ । भेलामा सहभागी नगर,जिल्ला र केही माननीयहरुले पार्टी सभापति शेरबहादुर देउवालाई सत्तोसराप गर्न भ्याए । नेपाली कांग्रेस केन्द्रीय सदस्य मिनेन्द्र रिजाल र डा.शेखर कोइराला भन्दा तलका सवै बक्ताहरुले कुनै न कुनैरुपमा सभापति देउवा विरुद्ध आक्रोेश पोखेका थिए ।
केन्द्रीय सर्कुलर अन्तरगतको पत्र र अनुशासन नसिकाउन भन्दै बक्ताहरु आक्रोशित देखिन्थे । यसका अलाबा पनि नेपाली कांग्रेसका नेता डा .शेखर कोइराला भने कार्यक्रममा निकै नरम देखिए । उनले भने, ‘तपाईंहरू कुनै डर, भय नराखी घर फर्कनुहोस् । तपाईंहरूको संरक्षण गर्ने जिम्मा लिन्छु । कुनै किसिमको डर, धाक, धम्कीबाट नआत्तिनु होला ।”
उनले १५औं महाधिवेशनबाट गलत कुरा हुन नदिने र कार्यकर्ताको संरक्षण आफूले गर्ने समेत बताए । पार्टीलाई गलत ट्राकबाट हिड्नबाट रोक्नुपर्ने कोइरालाले बताए । यस्तै उनले संविधान संशोधन गर्नेगरी गठन भएपनि वर्तमान सरकारले त्यसमा ध्यान नदिएको आरोप लागाए । सरकार बनेको चार महिना लाग्दा समेत सत्ता पक्ष र अन्य दलसँग छलफल गर्न सरकारले कुनै चासो नदेखाएको उनको भनाइ छ ।
अन्य दलसँग समेत संविधान संशोधनका विषयमा छलफल गर्नु पर्ने कोइरालाको माग छ । नेता कोइरालाले पार्टीको महाधिवेशन समयमा गर्नका लागि गाउँ – गाउँमा बाट दबाब कार्यकर्ताहरूलाई आग्रह गरे । १५औं महाधिवेशन तोकिएको समयमा हुने सम्भावना आफूले नदेखेको भन्दै कोइरालाले कार्यकर्ताहरूलाई सचेत बन्न आग्रह गरे ।
यस्तै नेपाली कांग्रेसका केन्द्रीय सदस्य मिनेन्द्र रिजालले पार्टी सभापतिविरुद्ध उचालिएर गाली गर्नु गलत हुने बताए । रिजालले भने, “सभापति ज्यू ले आफ्नो अन्तिम कार्यकाल पूरा गर्दै हुनुहुन्छ । हामी उहाँलाई सहायोग गरौ । समय सवैको आउछ । नेताहरु धेरै उत्तेजनामा वग्नु हुदैन । पार्टी भित्र आन्तरिक प्रतिस्पर्धा हुनु नराम्रो कुरा हैन तर यसलाई सहजीकरण गरेर अगाडि बढ्नु पर्छ । जनताका काम गरौ,सवै जना काम गरेर पार्टी बलियो बनाऔं ।”
कार्यक्रममा नेताहरू डिग बहादुर लिम्बु ,गुरु घिमिरे,सुनिल शर्मा, राजीव कोइराला, केदार कार्कीलगायत केन्द्रीय र प्रदेशस्तरीय नेताहरू भेलामा सहभागी थिए । यसअघि सोमबार कांग्रेस केन्द्रीय कार्यालयका मुख्य सचिव कृष्णप्रसाद पौडेलले कोशी प्रदेशका सबै जिल्ला सभापतिहरूलाई पत्राचार गर्दै औपचारिक रूपमा मंसिर २२ प्रदेश सम्मेलन हुने र त्यसअघि पार्टीका तर्फबाट कुनै पनि कार्यक्रम नराखिएको बताएका थिए । यस संगै कतिपय नेता कार्यकर्ता आक्रोशित देखिन्थे ।
पार्टी सभापति शेरबहादुर देउवालाई कोइराला पक्षका साना नेताहरुको सत्तोसराप, कोइराला र रिजालले कुरा चपाएर भाषण गरे
विराटनगरमा उर्जा सर्वेक्षणको प्रारम्भिक प्रतिवेदनमा अन्तरक्रिया
केन्द्रको निर्देशन विपरीत कोशीमा शेखर कोइरालाको एकपक्षीय पालिका सभापतिको भेला
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
