Birat Post बुधबार, मंसिर १२, २०८१ मा प्रकाशित
विराटनगर,१२ मंसिर । सनातन हिन्दू राष्ट्र र राजसंस्थाको वकालत गर्दै लामोसमयदेखि विराटनगर कार्यक्षेत्र बनाएर अभियानमा होमिएका राजनीतिकर्मी बल्लभ प्रसाद दाहाल बुधबार राष्ट्रिय प्रजातन्त्र पार्टी नेपालमा प्रवेश गरेका छन् ।
विराटनगरमा आयोजित एक कार्यक्रमका बीच राप्रपा नेपालका अध्यक्ष एवं पूर्वउपप्रधानमन्त्री कमल थापाले दाहाललाई पार्टीमा प्रवेश गराएर स्वागत गरेका थिए । पार्टीको केन्द्रीय जिम्मेबारीमा प्रवेश गराएको भने पनि पदको विषयमा भने कार्यक्रममा जानकारी दिइएन ।
पार्टीको मुल राजनीति भन्दा झण्डै १० बर्ष बाहिर रहेर वर्तमान राजनीतिलाई नियाली रहेका उनी केही समय यता एकीकृत राष्ट्रिय संघर्ष समिति मोरङको अध्यक्ष भएर पूर्वराजा र राजसंस्थालाई फर्काउने अभियानमा लागेका थिए । दाहाल झण्डै २ सय भन्दा बढि सक्रिय कार्यकर्ताका साथ राष्ट्रिय प्रजातन्त्र पार्टी नेपालमा प्रवेश गरेका छन् ।
सो कार्यक्रममा नेपाल विद्त परिषदका केन्द्रीय अध्यक्ष जितबहादुर अर्जेल र नेपाल सदभावना मञ्चका अध्यक्ष एवं पूर्वमन्त्री बद्री प्रसाद मण्डल र नेपाल विद्त परिषदका केन्द्रीय अध्यक्ष जितबहादुर अर्जेल समेत सोही कार्यक्रममा सहभागी थिए ।
उनीहरु दुवै पूर्वराजा र राजसंस्थालाई फर्काउने अभियानको एकीकृत राष्ट्रिय संघर्ष समितिको सल्लाहकार छन् । यस्तै कार्यक्रममा राप्रपा नेपाल कोशी प्रदेश संयोजक माधव आचार्य र मोरङ जिल्ला अध्यक्ष कुमार ढकालले दाहालको प्रवेशले राप्रपा नेपाललाई अभिभावक मिलेको बताएका छन् ।
एडीवीका योजना छिटो अगाडि बढाइदिन मेयर कोइरालाको आग्रह
दुर्गा प्रसाईंलाई थुनामुक्त गर्न सर्वोच्चद्वारा अस्वीकार
राप्रपा नेपालमा प्रवेश गरे राजनीतिकर्मी बल्लभ प्रसाद दाहाल
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
