Birat Post सोमबार, मंसिर १०, २०८१ मा प्रकाशित
विराटनगर,१० मंसिर ।
दुई सातायता ग्रामथान गाउँपालिकामा ठूला नेताहरूको ओहोरदोहोर बाक्लो चलिरहेको छ । ठूला हुन् या साना, सबैजसो दलहरूले ग्रामथानमा हुने उपनिर्वाचनलाई प्रतिष्ठाको विषय बनाएका छन्।
उपनिर्वाचनले आगामी दिनका लागि चुनावी सन्देश दिने, जनमत आफूतिर तानिएको प्रमाणित हुने र स्थानीय सरकारमा आफ्नो शक्ति प्रदर्शित हुने आशाले दलहरूले सारा शक्ति खन्याउने योजना बनाएका छन्।
यसैक्रममा राप्रपाका केन्द्रीय अध्यक्ष राजेन्द्र लिङ्देन र प्रवक्ता ज्ञानेन्द्र शाही उपनिर्वाचनको कार्यक्रममा सहभागी बन्न मंगलबार ग्रामथान आउने भएका छन् । ग्रामथानमा राष्ट्रिय प्रजातन्त्र पार्टीबाट दिनेशकुमार थन्दार(दिलेश) गाउँपालिका अध्यक्षको उम्मेदवार छन् ।
उनलाई जिताउन सकेसम्म प्रयास भइरहेको राप्रपा मोर ङ प्रवक्ता सन्जय विक्रम अधिकारीले जानकारी दिए । यसैका लागि जिल्ला अध्यक्ष गोपाल कट्वाल लगायत विभिन्न केन्द्रीय नेताहरु गाउँपालिकामा केन्द्रित रहेको प्रवक्ता अधिकारीले बताए । राप्रपाबाट कम उमेरका युवा व्यक्ति उठाएको र चर्चित मानिस भएकाले पनि जीत हासिल हुने दावी अधिकारीको छ ।
उपनिर्वाचनमा केन्द्रीय नेताहरुको चासो,राप्रपा अध्यक्ष लिङ्देन र प्रवक्ता शाही मंगलबार ग्रामथान आउदै
आठ जना एसएसपी डिआइजीमा बढुवाका लागि सिफारिस
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
