featured photo: Birat Post

विराटनगर,७ असोज । साङ्केतिक भाषा अधिकारका लागि सङ्केत गरौँ भन्ने नाराका साथ आज अन्तर्राष्ट्रिय सांकेतिक भाषा दिवस मनाइँदै छ । संयुक्त राष्ट्रसंघको सन् २०१७ डिसेम्बर १९ को ७२ औं महासभाले हरेक वर्षको सेप्टेम्बर २३ बहिरा नागरिकहरुको संचारको माध्यम साङ्केतिक भाषाको अधिकारलाई पहिचान गरी साङ्केतिक भाषाहरुको अन्तर्राष्ट्रिय दिवसका रुपमा मनाउने निर्णय गरेको थियो ।

बहिरा समुदायले प्रयोग गर्ने सांकेतिक भाषा कम हुँदा सञ्चारकार्यमा पनि अवरोध भइरहेको अभियानमा सक्रिय एनडी एफ एक्स आइका कोशी अध्यक्ष सिताराम ओझा बताउछन् ।

बहिराहरुको हकहितका क्षेत्रमा कलम चलाउदै आएका विराटनगरका पत्रकार कौशल निरौला बहिरा समुदाय राज्यबाट उपेक्षित रहेको बताउछन् । सरकारी या नीजि कार्यालय वा संस्थानमा दोभाषेको व्यवस्था नहुदा सेवा लिन समेत बन्चित हुनुपरेको उनको दावी छ । हरेक कार्यालयहरुमा एकजना सञ्चार दोभाषेकारुपमा राखिनुपर्ने उनको जोड छ । कतिपय स्थानिय पालिकाहरुले दोभाषेको व्यवस्था गरेर सर्हानीय कार्य गरेको निरौला बताउछन् ।