Birat Post शुक्रबार, साउन ११, २०८१ मा प्रकाशित
विराटनगर,११ साउन । नेकपा माओवादी केन्द्रले आज शुक्रबार कोशी प्रदेश सरकार छाड्ने जनाएको छ । माओवादी स्रोतका अनुसार सरकार छाडे संगै समर्थन पनि फिर्ता लिने तयारी भइरहेको छ । केन्द्रीय सत्तासमीकरणमा फेरवदल आएपनि माओवादीले कोशी प्रदेश सरकार छाडेको थिएन ।
माओवादीले प्रदेश सरकार छाडेपछि कांग्रेसको इन्ट्री हुने छ । नौं वटा मन्त्रालय रहेको कोशीमा कांग्रेसले ४ वा ५ मन्त्रालय पाउने भन्नेमा एकिन भएको छैन । यसका लागि थप छलफल र सल्लाह भइरहेको कांग्रेस र एमालेका नेताहरुको भनाइ छ ।
कोशी प्रदेश सरकारमा नेकपा माओवादी केन्द्रबाट उप्रेतीसँगै राजेन्द्र कार्की स्वास्थ्य, नारायण बुर्जामगर पर्यटन वन तथा वातावरण मन्त्री र बन्दना झागड पर्यटन वन तथा वातावरण राज्यमन्त्री छन् । उनीहरु बाहिरिए संगै केहीदिन भित्रै एमाले नेतृत्वमा सरकार पुर्नगठन हुने छ । माओवादी केन्द्र संसदीय दलका नेता इन्द्रबहादुर आङ्बो सरकारबाट छाड्ने कुराको पुष्टि गरे ।
यता नेपाली कांग्रेस संसदीय दल कोशीका नेता उद्धव थापाले मुख्यमन्त्री हिक्मत बहादुर कार्की संग छलफल भइरहेको जानकारी दिए । पार्टी केन्द्रको निर्देशन बमोजिम कोशी प्रदेश सरकारमा सहभागी हुने तयारी भइरहेको बताए ।
दुर्गा प्रसाईंलाई अदालतमा उपस्थित गराइयो
सेना परिचालनका लागि अपनाउनुपर्ने विधि सिफारिस
रंगेलीमा ड्रागन फल खेतीबाट राम्रो आम्दानी गर्दै कृषक
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
