Birat Post सोमबार, साउन ०७, २०८१ मा प्रकाशित
विराटनगर,७ साउन । साहित्यकार उमानाथ भट्टराईद्वारा रचित महाकाव्य ‘अचल’ को लोकार्पण गरिएको छ । गत शनिबार प्रमुख अतिथि प्रा.कविराज न्यौपाने लगायत अग्रज साहित्यकारहरुले पुस्तक लोकार्पण गरेका हुन् ।
विराटनगर-१ निवासी साहित्यकार उमानाथ भट्टराईद्वारा रचित महाकाव्य पूर्वान्चल साहित्य प्रतिष्ठान विराटनगरबाट प्रकाशित भएको हो । पूर्वान्चल साहित्य प्रतिष्ठान विराटनगर र खोटङ सेवा मन्च को भाषा सहित्य कला उन्नयन उपसमितिको सयुक्त आयोजनामा भएको कार्यक्रममा पूर्व क्षेत्रका साहित्यकारहरुको उपस्थिति रहेको थियो ।
साहित्यकार हरिप्रसाद कट्टेलले महाकाव्यको समीक्षा गरेका थिए । १९ खण्ड रहेको यो महाकाव्यमा १७७६ श्लोकहरु रहेका छन् । साहित्यकारहरु प्रा.डा. हरिहर भण्डारी, डा.देवी पन्थी, अग्रज साहित्यकार बलराम पोख्रेल, मधु पोख्रेल, सरला चापागाईं,कवि रोहिणी रसिकले पुस्तकको समीक्षा सहित शुभकामना दिएका थिए । साहित्यकार भट्टराईका यस अघि ७ वटा कृति प्रकाशित भएका छन् भने यो यो आठौं कृति हो ।
उनका आमा खण्डकाव्य , पाथिभरा लघुकाव्य, जिबोद्वार स्तोत्र, मेरो विश्व नवकाव्य, अधुरो सपना स्मृती काव्य, वत्सदेखी थिरसम्म स्मृती काव्य प्रकाशित भैसकेका छन् । तेह्रथुममा रहेर शिक्षण तथा क्याम्पसमा प्राध्यापन गरि साहित्यमा साधनारत छन्दकवी भट्टराई हाल विराटनगर वसोबास गर्दछन् । पूर्वान्चल साहित्य प्रतिष्ठानका उपाध्यक्ष भूषण ढुङ्गेलको अध्यक्षतामा भएको लोकार्पण कार्यक्रममा २० जना भन्दा बढी साहित्यकारहरुले कविता, मुक्तक तथा गजल समेत वाचन गरेका थिए ।
दुर्गा प्रसाईंलाई अदालतमा उपस्थित गराइयो
सेना परिचालनका लागि अपनाउनुपर्ने विधि सिफारिस
रंगेलीमा ड्रागन फल खेतीबाट राम्रो आम्दानी गर्दै कृषक
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
