featured photo: Birat Post
मोरङ,२४ असार / कोशी प्रदेशका मुख्यमन्त्री हिक्मतकुमार कार्की विपद् जोखिम हुनेस्थानमा प्रविधिको प्रयोग गरि जनताको जीउधनको सुरक्षाका लागि निःशुल्क वाईफाई जडान गर्न निर्देशन दिएका छन् ।
प्रदेश आन्तरिक मामिला तथा कानून मन्त्रालयद्वारा ‘ कोशी प्रदेश विपद् व्यवस्थापन पोर्टल’ bipad.koshi.gov.np को आज मन्त्रालयमा उद्घाटन गर्दै उनले विपद् जोखिममा रहेका र जंगली जनावरहरुबाट हुने जनधनको क्षति रोक्न ती स्थानमा नागरिकहरुले सहज सूचना प्राप्त गर्ने उद्देश्यले निःशुल्क वाईफाई जडान गर्ने कार्य शुरु गर्ने धारणा राखे ।
मुख्यमन्त्री कार्कीले विपदका समयमा नागरिकहरुले सुरक्षित रहनका लागि सूचना प्रविधिको सञ्चालन गर्न सुुशूचित गराउनु पर्नेमा जोड दिए । सरकारले विगतको विपद्का समयमा गरेको उल्लेखनीय कार्य जनतामा अहिले पनि सकारात्मक असर परेको बताउँदै कोभिड,वाढीपहिरोमा स्थलगत रुमा गई जनतालाई फास्टट्राकबाट उद्धार गरेकोले यस्ता चुनौतिलाई अवसरको रुपमा लिई कार्य गर्नु पर्ने बताए ।
प्रदेश सरकार नागरिकहरुको विपदको अवस्थामा साथ र सहयोग पु¥याउने प्रतिवद्धता समेत मुख्यमन्त्री कार्कीले व्यक्त्त गरे । प्रदेशका आन्तरिक मामिला तथा कानूनमन्त्री लिलावल्लभ अधिकारीले सरकार विपदका समयमा नागरिकको जीउ धनको सुरक्षामा अनुभूति गराउने ढङ्गले कार्य आगाडि वढिरहेको विचार राखे । उक्त्त पार्टलमा वाढीपहिरो आउने स्थानका नागरिकहरुलाई पूर्व सूचनाको जानकारी दिनुका साथै आकस्मिक फोन गर्न सकिने सुविधा रहेको छ ।
पार्टल निर्माणकर्ता दिवस लामिछानेले पार्टल संचालनका सम्बन्धमा जानकारी गराएका थिए । पार्टलमा नागरिक सुझाव, गुनासो, स्थलगत आकस्मिक सम्पर्क, प्रकृयागत अवस्थामा आधिकारिक भिडियो सम्वोधन, न्यूज फिड लगायतका सुविधा रहेका छन् ।
सम्बन्धित
Birat Post सोमबार, आषाढ २५, २०८१ मा प्रकाशित
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
