विराटनगरका साहित्यकार/कृति
Birat Post आइतबार, आषाढ २४, २०८१ मा प्रकाशित
विराटनगर,२३ असार / अन्तर्राष्ट्रिय द भर्चुल ब्याटल अफ ब्याण्डस्को पहिलो संस्करणमा प्रथम भएकोमा विराटनगरको चर्चित सर्कल अफ फिफ्थस् नेपाल रक ब्याण्डलाई विराटनगर महानगरपालिकाका मेयर नागेश कोइरालाले बधाईसहित सम्मान गर्नुभएको छ ।
अन्तर्राष्ट्रिय प्रतियोगितामा विराटनगरको प्रतिनिधित्व गर्दै प्रथम भएकोमा मेयर कोइरालाले सम्मान गर्नुभएको हो । पहिलोपटक भएको प्रतियोगितामा सर्कल अफ फिफ्थस् नेपाल रक ब्याण्डलाई महानगरको लोगो अंकित खादा लगाएर सम्मान गर्नुभयो । सो अवसरमा महानगरको लोगोसमेत लगाइदिनुभएको थियो ।
मेयर कोइरालाले विराटनगर औद्योगिक, राजनैतिक नगरीसँगै भाषा, साहित्य, कला, संस्कृतिको नगर पनि हो भन्ने रक ब्याण्डको सफलताले पुष्टि गरेको उल्लेख गर्नुभयो । राष्ट्रिय तथा अन्तर्राष्ट्रियस्तरमा बेलाबेला हुने चित्रकला, नृत्य, गीतसंगीत कवितालगायतका प्रतिस्पर्धामा विराटनगर उत्कृष्ट हुँदै आएको चर्चा गर्दै मेयर कोइरालाले विराटनगर हरेक क्षेत्रमा अब्बल हुनुपर्नेमा जोड दिनुभयो ।
प्रतियोगितामा ७२ वटा ब्याण्डको सहभागिता रहेको सर्कलका तर्फबाट सुशील केसीले जानकारी दिनुभयो । नेपालसहित विभिन्न देशका ७२ वटा ब्याण्डलाई पछि पार्दै विराटनगरको सर्कल अफ फिफ्थस् नेपाल रक ब्याण्ड पहिलो भएको हो । ब्याण्डका तर्फबाट प्रयुष कोइराला, राहुल भट्टराई, रिदम रक रेग्मी, इन्द्रजित केडी, सुबोध उप्रेती, कविस भट्टराईले सहभागिता जनाएका थिए ।
देशभरका शिक्षक आन्दोलनमा होमिदै
राप्रपाको ‘बृहत आमसभा’ कार्यक्रम आजबाट
बालेनले प्रधानमन्त्रीलाई भने : नेपाली भएर बाच्ने आधार त दिनुस्
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
