featured photo: Birat Post

काठमाडौं ,१८ असार ।  राष्ट्रिय प्रजातन्त्र पार्टीका अध्यक्ष राजेन्द्र लिङ्देनले संविधान संशोधनको लागि नयाँ समिकरण बन्नु प्रारम्भिक रुपमा स्वागतयोग्य विषय भएको बताएका छन् । आज नयाँ समिकरणको विषयलाई लिएर बसेको बैठकको बारेमा जानकारी दिँदै उनले राप्रपाले सधैँ यो संविधानले काम गर्दैन् र यही संविधानबाट अगाडि जान सकिदैँन् भन्ने कुरा उठाउँदै आएको भन्दै संविधान संशोधनको कुरा स्वागत योग्य भएको बताएका हुन् ।

उनले भने, ‘अहिले काङ्ग्रेस र एमालेले जुन नयाँ सहमती बनाएको समाचार बाहिर आएको छ । त्यो सहमतीको मूल मुद्धा भनेको संविधान संशोधन रहेको छ । प्रमुख दल र दोस्रो मुख्य दल मिलेर संविधान संशोधन गर्न मिलेर सरकार बनाउने भन्ने कुरा आएको छ । त्यसलाई हामीले प्रारम्भिक रुपमा स्वागत योग्य विषय मानेका छौं । किनभने यो संविधानले काम गर्दैन् र यही संविधानबाट अगाडि जान सकिँदैन भन्ने कुरामा मुख्य दलहरु सहमत भएको देखिएको छ ।’

उनले सरकारमा जाने नजाने भन्ने कुरामा यो समिकरणले कस्तो स्वरुप लिन्छ र कसरी अगाडी बढ्छ सबै हेरेर मात्र आफ्नो धारणा बनाउने निर्णय गरेको जानकारी दिएका छन् । उनले भने, ‘यसले कस्तो स्वरुप लिन्छ र कसरी अगाडी बढ्छ हेर्न बाकी छ । त्यसकारण यसलाई हेर्ने र आफ्नो धारणा बनाउने हामीले निर्णय गरेका छौ । संविधान संशोधनको प्रक्रिया कसरी अगाडि जान्छ र अहिले बाहिर आएका कुरा सहमतीका विषय हो की होईन् र त्यसमा काङ्ग्रेस एमाले सहमत छ कि छैन् भन्ने कुरा सबै हेरेपछि र अरु दलहरुसँग कुरा गरेपछि मात्र हामीले हाम्रो धारणा बनाउछौं ।’

सम्बन्धित

पार्टी एकताको प्रस्ताव पछि लिङ्देन र थापा बिच भनाभनको स्थिति

बैंकको प्रतिष्ठा र इज्जतलाई पहिलो कार्यसूची बनाएर काम गर्नूस् : अर्थमन्त्री विष्णुप्रसाद पौडेल

कोशी प्रदेशको हिउँदे अधिवेशन आजदेखि

भारत उत्तर प्रदेशको प्रयागराजस्थित त्रिवेणी संगममा महाकुम्भ,धर्मानुरागीको भिड