Birat Post बुधबार, चैत्र २१, २०८० मा प्रकाशित
विराटनगर,२१ चैत ।
प्रत्येक १२ वर्षमा चतरामा महाकुम्भ मेला आयोजना हुदै आएको छ । नेपालका प्रथम जगतगुरु वालसन्त मोहनशरण देवाचार्यको अगुवाईमा २०५९ वैशाख १ गतेबाट चतरामा कुम्भ मेला आयोजना हुँदै आएको छ ।
चैत २७ देखि २०८१ वैशाख २८ गतेसम्म बराहक्षेत्र चतराधाम क्षेत्रमा बाह्र वर्षे पूर्ण महाकुम्भ मेला आयोजना हुने भएको हो ।
यस संगै जगदगुरु श्रीरामानन्दाचार्य सेठा पीठ बराहक्षेत्र चतराले १० करोड भन्दा बढि रकम खर्चेर आगामी बैशाख १ गतेदेखि ११ गतेसम्म संकटमोचन श्रीहनुमद् महायज्ञको आयोजना गर्न लागेको छ । भारतको मध्य प्रदेश स्थित बागेश्वर धामका हिन्दुधर्मगुरु धीरेन्द्रकुमार शास्त्री सहभागिता जनाउँदै धार्मिक प्रवचन दिने कार्यक्रम रहेको छ । यसको नेतृत्व भने श्रीरामानन्दाचार्य स्वामी श्रीरामकृष्णाचार्य महायोगी सिद्धबाबाले गरेका छन् ।
कुम्भ मेला र संकटमोचन श्रीहनुमद् महायज्ञ एकै पटक हुने र धेरै धर्मानुरागीहरुको सहभागिता हुने कुरालाई मध्यनजर गर्दै कोशी प्रदेशका स्वास्थ्य मन्त्री प्रदीप सुनुवारले लिए चासो लिएका छन् । उनले आयोजक संस्थाका पदाधिकारी तथा स्थानीय तहका प्रमुखहरु संग बुधबार मन्त्रालयमै छलफल गरे ।
उनले नजिकका अस्पताल र तिनका प्रमुखहरु संग समेत संवाद गरेका छन् । विराटपोष्ट संग कुरा गर्दै सुनुवारले नजिकका अस्पतालका चिकित्सक ,त्यहीका स्रोत साधनलाई परिचालन गरिने जानकारी दिए । उनले भने , “मेलामा धेरै मानिसहरुको जमघट हुने आंकलन आयोजक समितिको छ । कुनै खाले भवितव्य आए के गर्ने भन्ने विषयमा स्थानियतवरवाट चासो आएपछि मन्त्रालयका तर्फवाट आफुले के गर्न सकिन्छ भनेर सुझाव लिए । मेला नजिक रहेका अस्पताल र तीनका सवैखाले सेवा लिने विषयमा सकारात्मक कुरा आएको छ ।”
उनले वी.पी.कोइराला स्वास्थ्य विज्ञान प्रतिष्ठान, इटहरीको सैनिक अस्पतालले सेवा दिने जानकारी दिए । चिकित्सकीय सुविधा देखी अन्य सवै खाले सुरक्षाका विषयमा समेत छलफल र गृहकार्य भइरहेको सुनारले बताए ।कार्यक्रममा प्रदेशसभा सदस्य ममता योन्जन,बराहक्षेत्र नगरपालिका प्रमुख रमेश कार्की,स्वास्थ्य सचिव सुधा देवकोटा लगायतको सहभागिता रहेको थियो ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
