Birat Post सोमबार, फाल्गुण २८, २०८० मा प्रकाशित
विराटनगर ,२८ फाल्गुन ।
नेपाली लेखक संघ केन्द्रीय कार्यसमितिको आयोजनामा विराटनगरमा विचारगोष्ठी एवम् कविता वाचन कार्यक्रम सम्पन्न भएको छ । ११४ औं अन्तर्राष्ट्रिय महिला दिवसको उपलक्ष्य पारेर सोमबार आयोजित कार्यक्रममा कोेशी प्रदेशका विभिन्न जिल्ला तथा अन्य प्रदेशका समेत साहित्यकारहरुको बाक्लो उपस्थिति रहेको थियो ।
नेपाली लेखक संघकी केन्द्रीय सदस्य निर्मला कोइरालाको अध्यक्षता तथा डा.विमला श्रेष्ठको प्रमुख आतिथ्यमा भएको कार्यक्रममा प्रमुख वक्ताका रुपमा डा.मिनाक्षी नेपाल , साहित्यकार कविराज न्यौपाने तथा टिप्पणीकर्ताको रुपमा नेपाली लेखक संघका वरिष्ठ उपाध्यक्ष प्रा.डा.रत्नमणि नेपाल रहेका थिए ।
कार्यक्रममा महिला अधिकार,समसामयिक सवाल र वर्तमान स्थिति समेटिएका कविताहरु बाचन गरिएको थियो । सो अवसरमा रमेशचन्द्र अधिकारी (रंगेली) गणेश श्रवण (चितवन) ,बासु पोखरेल (उदयपुर) ,भिष्म काफ्ले (सुनसरी), मनु विश्वकर्मा (झापा) ,गायत्री चापागाईं , शुभलक्ष्मी लम्साल, हरिप्रसाद बराल,हरि कट्टेल ,प्रमोद ढकाल(प्रिन्स) , पुष्पा सायरा, सरिता तुलाधर, कविता केशरी, बाबुराम पोखरेल,पूजा बहार,लक्ष्मी पोखरेल, लगायतका तीनदर्जन कविहरुले रचना वाचन गरेका थिए ।
संघकी केन्द्रीय सदस्य राधिका गुरागाईँले उक्त कार्यक्रमको औचित्यमाथि प्रकाश पारेकी थिइन् । केन्द्रीय सदस्य द्वय निर्मला कोइराला र राधिका गुरागाईँलाई केन्द्रीय समितिले उक्त कार्यक्रमको संयोजन गर्ने जिम्मेबारी प्रदान गरेको थियो । सोही अनुरुप कोशी प्रदेशमा यो कार्यक्रम सम्पन्न भएको हो ।
कार्यक्रममा डा.गोपाल भण्डारी ,प्राज्ञ विवश पोखरेल,प्राज्ञ गंगा सुवेदी ,गोकुल अधिकारी ,दिनेशराज सुवेदी,देवी पन्थी लगायतले रचना वाचनसहित आ-आफ्ना धारणा राखेका थिए ।
दुर्गा प्रसाईंलाई अदालतमा उपस्थित गराइयो
सेना परिचालनका लागि अपनाउनुपर्ने विधि सिफारिस
रंगेलीमा ड्रागन फल खेतीबाट राम्रो आम्दानी गर्दै कृषक
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
