Birat Post बिहिबार, फाल्गुण २४, २०८० मा प्रकाशित
दोलखाको सदरमुकाम चरिकोटबाट करिब १७ किलोमिटर उत्तरमा पर्ने यो कालिन्चोक समुन्द्री सतहबाट ३,७०० मिटर उचाईमा रहेको आन्तरिक पर्यटकको उत्कृष्ट गन्तब्य स्थल हो । मन्दिर परिसरमा भगवती, गणेशका मूर्ति र शिवपार्वती मुर्ति रहेका छन् । कालिञ्चोक दर्शनले मनोकामना पुरा हुने जनविश्वास छ ।नयाँ वर्ष, जनै पूर्णिमा र मंसिरे पूर्णिमामा मेला लाग्छ ।
कालिञ्चोक बेस क्याम्प कुरी भञ्ज्याङमा मन्दिर दर्शन गर्न आउन भक्तजनहरुका लागी प्रशस्तमात्राामा होटलहरु रहेका छन् । जहाँ पाँच सयदेखि तीन हजार रुपैयाँसम्मका कोठा पाइन्छ । सादा खानाको दुई सय रुपैयाँ पर्छ ।
दोलखाको सदरमुकाम चरिकोटबाट करिब १७ किलोमिटर उत्तरमा पर्ने यो कालिञ्चोक भगवतीको मन्दिर पुग्न विगतमा निकै कठिन भए पनि अहिले भने त्यति कठिन देखिँदैन ।
किनभने, त्यहाँसम्म पुग्नका लागि सार्वजनिक यातायातको सुविधा नभए पनि निजी तथा भाडाका सवारीसाधन उपलब्ध हुने हुँदा जो–कोहीलाई पनि सहजताको अनुभव हुने नै भयो ।
अर्कोतर्फ कुरी बजारदेखि मन्दिरसम्म कालिञ्चोक दर्शनका लागि केवलकारको सेवा रहेको छ । कालिञ्चोकबाट सूर्योदय, सूर्यास्त र हिमालको रोचक दृश्य देखिन्छ । त्यहाँबाट लाङटाङ, गौरीशंकर, नुम्बुरदेखि सगरमाथासम्म देखिन्छ ।यात्राबाट फर्कंदा छुर्पी, चिज, चौंरीको घ्यु, काष्ठकला, खरिढुँगा कला कोसेली ल्याउन सकिन्छ ।
कालिन्चोक भगवती आन्तरीक पर्यटकको प्रमुख रोजाईमा परेको स्थान मध्य एक हो । कालिञ्चोक भगवतीको मन्दिर परापूर्वकालदेखि नै हिन्दूहरुका लागि निकै महत्वपूर्ण मानिँदै आएको हो र अहिले त यातायातको सुविधाले गर्दा दर्शन गर्न आउनेहरुको संख्या दिनप्रतिदिन बढ्दै गइरहेको अवस्था छ । त्यसैले गर्दा यस क्षेत्रको विकासका लागि पर्यटनबाट हुने आम्दानीले ठूलो योगदान दिँदै आएको छ ।
दुर्गा प्रसाईंलाई अदालतमा उपस्थित गराइयो
सेना परिचालनका लागि अपनाउनुपर्ने विधि सिफारिस
रंगेलीमा ड्रागन फल खेतीबाट राम्रो आम्दानी गर्दै कृषक
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
