Birat Post बुधबार, फाल्गुण १६, २०८० मा प्रकाशित
विराटनगर,१६ फाल्गुन ।
विराटनगरमा यही फाल्गुन १९ गते शनिबार साइकल रेस अर्थात साइक्लोेथुन हुने भएको छ । १९ किलोमिटर दुरीको खुल्ला स्पर्धामा झण्डै ३ सय जनाले सहभागिता जनाउने आयोजक संस्था रोटरी क्लव अफ विराटनगर फ्युजनले जनाएको छ ।
कार्यक्रमबारे जानकारी दिन बुधबार विराटनगरमा आयोजित कार्यक्रममा बोल्दै फ्युजनका अध्यक्ष विकाश राठीले १९ किलोमिटर दूरी तर्फको गियर र बिना गियर साइक्लोथुन स्पर्धा हुने जानकारी दिए । विराटनगरको आदर्श माध्यमिक विद्यालयबाट साइक्लोथोन स्पर्धा सुरु हुने र समापन पनि विद्यालयमै हुने छ ।
विजेताले ४० हजार रुपैयाँ पुरस्कार प्राप्त गर्ने छन् । उपविजेताले २५ र तेस्रो हुने विजेताले १५ हजार रुपैयाँ पुरस्कार प्राप्त गर्ने छन् । एक पुरुष र एक महिलाले २० हजार ,उपविजेता एक पुरुष र एक महिलाले १५ हजार र तेस्रो हुने विजेता एक पुरुष र एक महिलाले १० हजार रुपैयाँ प्राप्त गर्ने छन् । यो आयोजना पछि बचेको रकम विराटनगर–१२ स्थित श्री जनता बाल कल्याण आधारभूत विद्यालयको स्तर उन्नतिमा खर्च गरिने आयोजक संस्थाको भनाइ छ ।
पत्रकार सम्मेलनमा पूर्व अध्यक्ष श्वेता तोदी, आगामी कार्यकालका अध्यक्ष विवेक अग्रवाल र कोषाध्यक्ष लक्ष्मीकुमार चौधरी लगायतको सहभागिता रहेको थियो ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
