featured photo: Birat Post

विराटनगर,१४ माघ । कोशी प्रदेशका मुख्यमन्त्री केदार कार्कीले धार्मिक विषयमा दिएको विवादास्पद अभिव्यक्ति सतहमा आएको छ । मन्दिर लागाएतको धार्मिक काम तथा गतिविधिमा आफु रहुन्जेल प्रदेश सरकारले एक पैसापनि खर्च नगर्ने कार्कीले बताए ।

उनले भने ,”चौकैपिच्छे मन्दिर बनाउन आवश्यक छैन । यहाँ चौकै पिच्छे , हरेक गल्लीमा मन्दिर किन बनाउनु परेको छ ? पूजा गर्न त वराहक्षेत्र र पाथीभरा छदै छ । अनि घरकै अगाडि बनाएको मन्दिरको के काम ? यस्तो कामको लागि सरकारले पैसा खर्च गर्दैन।,”

शनिबार विराटनगरमा इन्जिनियरहरुले आयोजना गरेको कार्यक्रममा बोल्दै मुख्यमन्त्री कार्कीले यसो भनिरहदा धेरैले मुखा-मुख गरेका थिए । कार्की निकै उत्तेजित हुदै झण्डै ५ मिनेट जती धर्मको अपव्याख्यामा उत्रिएका थिए । उनले मन्दिर र धार्मिक काममाका लागि बजेट कटौती गरेको कार्यक्रममा जानकारी दिन भ्याए । धार्मिक बजेटले जनताको छोराछोरीलाई पढाइन्छ उनले भने,”यो रकम धर्ममा खर्च हुदैन ।”