featured photo: Birat Post

विराटनगर,२४ पुस । राष्ट्रियसभा सदस्यको निर्वाचनमा होमिएका नेपाली कांग्रेसका नेता कृष्णप्रसाद सिटौलाले निर्वाचनमा गठबन्धनका उम्मेदवारलाई सहयोग प्राप्त हुने विश्वास व्यक्त गरेका छन् ।

मंगलबार नेपाली कांग्रेस कोशी प्रदेश कार्यालयमा पत्रकार सम्वन्ध विभिन्न संगठनका पत्रकारहरुसंग बोल्दै सिटौलाले यस्तो वताएका हुन् । उनले गठबन्धन दलबीच भएको समझदारीअनुसार एक अर्का दलका उम्मेदवारलाई निर्वाचनमा सहयोग र समर्थन गरि अगाडि बढ्ने हुदा त्यसमा सवै पक्षको सहयोगको आवश्यकता रहने बताए ।

यस्तै भेटघाट कार्यक्रममा बोल्दै नेता सिटौलाले भने, “हामिले जनतालाई जे दिन्छौ भनेर गणतन्त्र ल्याएका थियौ त्यो दिन सकिरहेका छैनौ र संविधानको वास्तविक कार्यान्वय हुन सकिरहेको पनि छैन। यसमा राजनैतिक खिचातानीका विविध पक्षले काम गरेको छ , त्यसको अन्त्य गर्न आवश्यक छ ।”

दलहरुबीच गठबन्धन गरेर अगाडि बढेको कारण पनि जनतालाई बुझाउदै संघीयता कार्यान्वयन पक्षमा देखिएका विद्यमान जटिलता अन्त्य गर्नका लागि अब हुने राष्ट्रियसभाको निर्वाचन महत्वपूर्ण रहने बताए । उनले भने, “अव राष्ट्रियसभा आउनेहरुको ठूलो भूमिका रहन्छ ।, ” उनले तीनतहका सरकारलाई जनमैत्री बनाउन, विद्यमान राजनैतिक अस्थिरता अन्त्य गर्न र कानून कार्यान्वयनका क्षेत्रमा लक्षित उदेश्य प्राप्तीमा अगाडि बढ्ने विश्वास व्यक्त गरे ।

यसैगरी माओवादी केन्द्र कोशी प्रदेशबाट राष्ट्रियसभा सदस्यको उम्मेदवार बनेकी चम्पादेवी कार्कीले गठबन्धन दलहरुवीच एकता आवश्यक रहेको औल्याइन् । उनले गठबन्धन दलहरुवीच भएको सहमतिलाई सवैले पालना गर्न आग्रह गरिन् ।

सम्बन्धित

भारतको महाराष्ट्रमा भएको रेल दुर्घटनामा चार जना नेपालीको मृत्यु

तीन प्रदेशमा आंशिक बदली, हिमाली भागमा हल्का हिमपातको सम्भावना

बहिरा सम्बन्धी साङ्केतिक भाषाको गोष्ठी विराटनगरमा सुरु, मन्त्री राइले गरे उद्घाटन

हिसान खेलसप्ताह : पुरुष फुटबलमा मोडर्न एरा, सगरमाथा र होलीचाइल्ड विजयी