Birat Post सोमबार, पुष ०९, २०८० मा प्रकाशित
विराटनगर,९ पुष / विराटनगर १ मा रहेको राधाकृष्ण भूपालमानसिंह कार्की माविको वार्षिकोत्सव सम्पन्न भएको छ । विद्यालयको ७३ औं वार्षिकोत्सव सोमबार एक कार्यक्रमका बीच सम्पन्न भएको हो । समारोहलाई सम्बोधन गर्दै विराटनगर महानगरपालिकाका मेयर नागेश कोइरालाले सामुदायिक र संस्थागत विद्यालयलाई सँगसँगै अगाडि नबढाएसम्म समग्र शिक्षाको विकास नहुने धारणा राखेका छन् ।
मेयर कोइरालाले पछिल्लो समय सामुदायिक विद्यालयहरुले पनि राम्रो प्रगति गर्न थालेको बताए । राधाकृष्णसहित विराटनगरका केही सामुदायिक विद्यालयमा पछिल्लो समय विद्यार्थीको आकर्षण बढ्दै गएकोमा खुसी व्यक्त गरे । उनले सामुदायिक विद्यालयको गुणस्तर वृद्धि गर्नुपर्नेमा जोड दिए । मेयर कोइरालाले प्राविधिक शिक्षाले मात्रै विश्व श्रमबजारमा बिक्री हुने जनशक्ति उत्पादन हुने बताए ।
कार्यक्रममा विद्यालयमा अध्ययन गरी सीटीईभीटीको परीक्षामा उत्तीर्ण गर्ने पंकज साह, कल्पनाकुमारी साह, ओमप्रकाश साह, राजु चौधरी, सतिसचन्द्र दास र अनिलकुमार साहलाई विद्यालयका तर्फबाट सम्मान गरिएको थियो । त्यस्तै डिप्लोमा ईन इन्जिनियरिङका विभिन्न सेमेस्टरमा उत्कृष्ट अंक ल्याउने श्याम साह, कुशल भट्टराई, जयनारायण यादव, पंकज साहलगायतलाई विद्यालयका तर्फबाट मेयर कोइरालाले सम्मान गरे । कार्यक्रममा शिक्षिकाहरु र विद्यार्थीहरुले विभिन्न जातीय पहिचान झल्कने सांस्कृतिक नृत्यसमेत प्रस्तुत गरेका थिए ।
कार्यक्रममा विराटनगर वडा नम्बर १ का अध्यक्ष काजीबहादुर बस्नेत, शैक्षिक विकास महाशाखाका संयोजक कृष्ण भट्टराई, विद्यालयका शिक्षक फडिन्द्र वस्तीलगायतले मन्तव्य व्यक्त गरेका थिए । विद्यालयका व्यवस्थापन समितिका अध्यक्ष हरिबहादुर कार्कीको सभापतित्वमा सम्पन्न कार्यक्रममा विद्यालयका प्रधानाध्यापक राना क्षेत्रीले विद्यालयको प्रगति प्रतिवेदन प्रस्तुत गरेका थिए ।
नेपाल र चीनबीच बीआरआई फ्रेमवर्कमा हस्ताक्षर
रवि लामिछानेका समर्थक र चितवन प्रहरीबीच झडप
पार्टी सभापति शेरबहादुर देउवालाई कोइराला पक्षका साना नेताहरुको सत्तोसराप, कोइराला र रिजालले कुरा चपाएर भाषण गरे
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
