Birat Post मंगलबार, पुष ०३, २०८० मा प्रकाशित
विराटनगर,३ पुष । विराटनगर ३ मा रहेको इडेन नेशनल बोर्डिङ स्कुलका संस्थापक अध्यक्ष तुलसी पोखरेलले स्कुलले दक्ष र योग्य शिक्षित जनशक्ति उत्पादनमा जोड दिइरहेको वताएका छन् ।
स्कुलको ३२ औँ स्थापना दिवसका अवसरमा बोल्दै उनले यस्तो बताएका हुन् । उनले स्कुल स्थापनाको यो अवस्था सम्म आइपुग्नुको देन अभिभावक, कर्मचारी र शिक्षकहरुको रहेको भन्दै खुसी व्यक्त गरे । उनले भावी समयमा पनि स्कुललाई उत्कृष्ट बाटोमा हिडाउने भन्दै सवैको साथ सहयोगको आवश्यकता रहेको बताए ।
स्कुलमा झण्डै ७ सय विद्यार्थी अध्ययनरत छन् । विराटनगरको उत्तरी क्षेत्रमा रहेर उत्कृष्ट शिक्षा प्रदान गरिरहेको यो विद्यालयमा विद्यार्थी तथा अभिभावकहरुको आकर्षण वढेको देखिन्छ ।
यस्तै स्कुलका प्रिन्सिपल तारा श्रेष्ठले शेक्षिक गुणस्तरमा कुनै कन्जुस्याई नगरिएको वताए । अतिरिक्त क्रियाकलाप संगै शैक्षिक सिकाइमा विद्यार्थिहरु अब्बल रहुन भनेर काम गरिरहेको बताए । स्कुलले आफ्नो स्थापना दिवसमा विभिन्न सास्कृतिक तथा आन्तरिक व्यवस्थापन कार्यक्रम गरेको छ ।
विद्यालयमा अध्ययनरत कक्षा नर्सरि देखी कक्षा १० सम्मका विद्यार्थीहरुले नृत्य ,गायन तथा अभिप्रेरितमुलक कार्यक्रमको प्रस्तुती गरेका छन् । कार्यक्रममा स्कुलका संस्थापक सदस्य घनश्याम पोखरेल, भाइस प्रिन्सिपल विद्याकान्त दाहाल लगायतको उपस्थिति रहेको थियो ।
उपनिर्वाचनमा केन्द्रीय नेताहरुको चासो,राप्रपा अध्यक्ष लिङ्देन र प्रवक्ता शाही मंगलबार ग्रामथान आउदै
आठ जना एसएसपी डिआइजीमा बढुवाका लागि सिफारिस
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
