featured photo: Birat Post

विराटनगर,२ पुष ।
विराटनगर -३ मा रहेको इडेन नेशनल बोर्डिङ स्कुलले आफ्नो ३२ औँ स्थापना दिवस मनाएको छ । सोमबार बोर्डिङले विभिन्न सास्कृतिक तथा आन्तरिक व्यवस्थापन कार्यक्रम गर्दै ३२ औं स्थापना दिवस मनाएको हो । कार्यक्रममा विद्यालयमा अध्ययनरत कक्षा नर्सरि देखी कक्षा १० सम्मका विद्यार्थीहरुले नृत्य ,गायन तथा अभिप्रेरितमुलक कार्यक्रमको प्रस्तुती गरेका छन् ।

कार्यक्रममा वोल्दै विद्यालयका संस्थापक अध्यक्ष तुलसी पोखरेलले इडेन नेशनल स्कुलले दक्ष र योग्य जनशक्ति उत्पादनमा जोड दिइरहेको वताए । उनले स्कुल स्थापनाको यो अवस्था सम्म आइपुग्नुको देन अभिभावक, कर्मचारी र शिक्षकहरुको रहेको भन्दै खुसी व्यक्त गरे । भावी समयमा पनि स्कुललाई उत्कृष्ठ वाटोमा हिडाउने भन्दै सवैको साथ सहयोगको आवश्यकता रहेको बताए । स्कुलमा झण्डै ७ सय विद्यार्थी अध्ययनरत छन् । विराटनगरको उत्तरी क्षेत्रमा रहेर उत्कृष्ट शिक्षा प्रदान गरिरहेको यो विद्यालयमा विद्यार्थी तथा अभिभावकहरुको आकर्षण वढेको देखिन्छ ।

यस्तै स्कुलका प्रिन्सिपल तारा श्रेष्ठले शेक्षिक गुणस्तरमा कुनै कन्जुस्याई नगरिएको वताए । अतिरिक्त क्रियाकलाप संगै शैक्षिक सिकाइमा विद्यार्थिहरु अब्बल रहुन भनेर काम गरिरहेको बताए । कार्यक्रममा स्कुलका संस्थापक सदस्य घनश्याम पोखरेल, भाइस प्रिन्सिपल विद्याकान्त दाहाल लगायतको उपस्थिति रहेको थियो ।

सम्बन्धित

भारतको महाराष्ट्रमा भएको रेल दुर्घटनामा चार जना नेपालीको मृत्यु

तीन प्रदेशमा आंशिक बदली, हिमाली भागमा हल्का हिमपातको सम्भावना

बहिरा सम्बन्धी साङ्केतिक भाषाको गोष्ठी विराटनगरमा सुरु, मन्त्री राइले गरे उद्घाटन

हिसान खेलसप्ताह : पुरुष फुटबलमा मोडर्न एरा, सगरमाथा र होलीचाइल्ड विजयी