featured photo: Birat Post

काठमाडौँ ,२९मंसिर । सुर्तीजन्य पदार्थ बिक्री वितरणमा रोक लगाउने काठमाडौँ महानगरपालिकाको निर्णय कार्यान्वयन नगर्न उच्च अदालत पाटनले आदेश दिएको छ।

न्यायाधीश जनक पाण्डे र ब्रजेश प्याकुरेलको इजलासले उक्त आदेश दिएको हो। अदालतले मुद्दाको अन्तिम टुंगो नलगेसम्म निर्णय कार्यान्वयन नगर्न भनेको छ।

आदेशमा भनिएको छ, ‘निवेदकहरुले कानूनबमोजिम संचालन गर्दै आएको उद्योग व्यवसायमा प्रतिकूल असर परी अपुरणीय क्षति पुग्न सक्ने अवस्था देखिएको हुँदा यसमा सुविधा सन्तुलन निवेदकहरुको पक्षमा विचारणीय देखिँदा स्वास्थ्य विभाग, काठमाडौँ महानगरापालिकाद्वारा मिति २०८०/०८/१२ मा जारी गरिएको सूचना प्रस्तुत रिट निवेदनको अन्तिम टुङ्गो नलागेसम्म कार्यान्वयन नगर्न नगराउनू भनि विपक्षीहरुको नाउँमा अन्तरिम आदेश जारी गरदिएको छ।’

महानगरको निर्णयविरुद्ध श्रीराम टोवागो उद्योगले मुद्दा दायर गरेको थियो।

सम्बन्धित

शिक्षकको शान्तिपूर्ण आन्दोलन जारी

सरकार सुशासन दिनै सक्दैन -शेखर कोइराला

सुनको मूल्य तोलामा ३९०० घट्यो

एउटा दलको निरङ्कुश सत्ता विरुद्ध अर्को दलले आन्दोलन गर्न कठिन भए पनि गाह्रो चाहिँ हुन्न : राप्रपा नेता बल्लभ दाहाल