विराटनगर,२६ मंसिर ।  कोशी प्रदेशका पर्यटन, वन तथा वातावरणमन्त्री गणेशप्रसाद उप्रेतीले वन ऐनको कार्यविधि बनाई २८ प्रजातिका काठ विक्रिका लागि खुल्ला गर्ने बताएका छन् ।  नेपाल वन पैदावार उद्योग व्यवसायी सङ्घ मोरङले मंगलबार विराटनगरमा आयोजना गरेको  १६ औं अधिवेशन तथा वार्षिक साधारण सभाको उद्घाटन गर्दै  उनले यस्तो वताएका हुन् । उनले समय अनुसार व्यवसायीहरुलाई परेको समस्या समाधान गरिने वताए ।

मन्त्री उप्रेतीले चाँडै मन्त्रीपरिषदबाट निर्णय गराई  व्यवसायीक उद्देश्यले वन जङ्गल भित्र सडेगलेको, ढलेको काठ  निकाल्ने व्यवस्था गर्ने वताए ।

यस्तै मन्त्रालयका सचिव विशाल घिमिरेले  समृद्धिको आधार वन क्षेत्र भएकोले  वन पैदावरको उपादकत्वकमा विविधीकरण गर्न  व्यवसायीहरुलाई सरकारले सहयोग गर्ने विचार व्यक्त्त गरे । सङ्घका अध्यक्ष बिजयकुमार कार्की, ,उपाध्यक्ष डिल्लीराम तिम्सिना,पूर्व अध्यक्ष दिनेश सुवेदी, केन्द्रीय सदस्य नारायणकुमार श्रेष्ठ,डिभिजन बन कार्यालय मोरङका प्रमुख विष्णुलाल घिमिरे लगायतले  सरकारी कार्यालयमा कडा प्रजातिका काठको प्रयोग अनिवार्य गर्न र निजी क्षेत्रले  वन संरक्षणमा उत्तरदायी भूमिका निभाउनु पर्ने सुझाव दिए । सो अवसरमा मन्त्री उप्रेतीले सङ्घका पूर्व सदस्य खगेन्द्रप्रसाद गौतमलाई सम्मान गरेका थिए । सङ्घले नयाँ नेतृत्व चयन गर्दै छ ।