featured photo: Birat Post

विराटनगर,२५ मंसिर । विराटनगरका एक युवकमाथि नेपाल–भारतको सीमा क्षेत्रमा गोली प्रहार भएको छ । विराटनगर महानगरपालिका–८ मधुमाराका २७ वर्षीय निर्दोष संग्रौलामाथि आइतबार साँझ गोली प्रहार भएको मोरङ प्रहरीले जनाएको छ ।

गोली प्रहारबाट घाइते भएका संग्रौलाको विराटनगरस्थित कोशी अस्पतालमा उपचार भइरहेको मोरङ प्रहरी प्रमुख एसपी दीपक पोखरेलले जानकारी दिए । संग्रौलाको बाँया तिघ्रामा गोली लागेको छ ।

विराटनगर–१६ दक्षिण गेटदेखि पारी भारतीय भूमिमा अज्ञात समूहले गोली प्रहार गरेको हुन सक्ने प्रहरीले जनाएको छ । दश गाजा वा नेपाली भूमिमा संग्रौलामाथि गोली प्रहार भएको प्रारम्भिक अनुसन्धानबाट नखुलेको बताउँदै एसपी पोखरलेले भने, ‘दश गाजा वा नेपाली भूमिमा घटना भएको भए नेपाल प्रहरी वा सशस्त्र प्रहरीलाई थाहा हुन्थ्यो । पीडितले घटना जहाँ भनेका छन्, त्यहाँ २४ सै घण्टा प्रहरीको तैनाथी हुन्छ । त्यस वरपर पनि नेपालका दुवै प्रहरीहरुले गस्ती गरिरहने हुँदा घटनाबारे कुनै पनि सुरक्षा निकायलाई थाहा छैन ।’

उनी उपभोग्य खाद्यवस्तु खरिदका लागि भारतको जोगबनी गएका थिए । साँझ घर फर्कंदै गर्दा गोली प्रहार भएको घाइते संग्रौलाले बताएका छन् ।

सम्बन्धित

भारतको महाराष्ट्रमा भएको रेल दुर्घटनामा चार जना नेपालीको मृत्यु

तीन प्रदेशमा आंशिक बदली, हिमाली भागमा हल्का हिमपातको सम्भावना

बहिरा सम्बन्धी साङ्केतिक भाषाको गोष्ठी विराटनगरमा सुरु, मन्त्री राइले गरे उद्घाटन

हिसान खेलसप्ताह : पुरुष फुटबलमा मोडर्न एरा, सगरमाथा र होलीचाइल्ड विजयी