Birat Post आइतबार, कार्तिक ०५, २०८० मा प्रकाशित
विराटनगर,५ कात्तिक । नवरात्रभरी अन्न ग्रहण नगरी देवीको आरधना गर्ने कार्यलाई नेपाली कांग्रेसका नेता भीम पराजुलीले यसपटक पनि निरन्तरता दिएका छन् । छठ पर्वमा समेत निराहार वसेर दण्डप्रणाम गर्ने पराजुलीले नवरात्रमा पनि विगत १० वर्ष यता अन्न ग्रहण नगरी ब्रत र उपासना गर्ने गरेका छन् । धार्मिक कर्ममा बढी रुचि राख्ने उनको छवी राजनीतिमा पनि उत्तिकै उचाइमा छ । हाल उनी नेपाली कांग्रेसका केन्द्रीय सदस्य तथा कोशी प्रदेशको प्रदेश सभा सदस्य रहेका छन् ।
धार्मिक कर्म गर्दा शान्तिको महसुस हुने र सानै उमेरदेखि धार्मिक कर्म र अनुन्ठानका कार्य संगै राजनीति ,समाजसेवामा समर्पित हुदै आएको पराजुलीको भनाई छ । अखण्डरुपमा आफुले घटस्थापना देखि दशमी सम्म अन्न ग्रहण नगरी अनुष्ठान गर्ने काम प्रत्येक वर्ष गर्ने गरेको उनले वताए । यसपटक सप्तमीको दिन भने निराहार व्रत बसेर शिव पाञ्चायन मन्दिर पोखरियामा राखिएको सामुहिक जमरा तथा देवीपुराणमा फूलपाती भित्राएको उनले बताए । नवमीको दिन भने नवकन्या पुजनको कार्यक्रम राखिएको उनले बताए ।
धार्मिक छवी बनाएका पराजुली धार्मिक अभियन्ता समेत हुन् । नेपाली कांग्रेसको केन्द्रीय समिति र प्रदेश सभामा समेत हिन्दुवादी एजेण्डामा उनी आफ्ना कुरा अडिग भएर राख्ने गरेका छन् । धेरै राजनैतिक फ्लोरहरुमा नेपाल हिन्दुराष्ट्र हुनुपर्ने आवाज समेत पराजुलीले उठाउदै आएका छन् । हिन्दु राष्ट्रको एजेन्डा कांग्रेसले वोकेर जनमतको कदर गर्नुपर्ने तर्क पराजुलीको छ । यही कारण जनमानसमा उनी पपुलर समेत छन् । कोशी प्रदेश लगायत देशका विभिन्न ठाउँमा हुने सवैखाले धार्मिक कार्यक्रममा उनलाई निम्तो समेत हुने गरेको छ ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
