Birat Post शनिबार, आश्विन २०, २०८० मा प्रकाशित
विराटनगर, २० असोज । नेपाल उद्योग वाणिज्य महासंघ कोशी प्रदेशले द एशिया फाउण्डेशनसँगको सहकार्यमा जिल्ला, नगर र वस्तुगत संघहरूको क्षमता अभिवृद्धि र संस्थागत सबलीकरण कार्यक्रम सम्पन्न गरेको छ ।
विराटनगरमा बिहिबार र शुक्रबार आयोजित कार्यक्रममा नेपाल शहरी तथा क्षेत्रीय अध्ययन प्रतिष्ठान (नियर्स) का अध्यक्ष डा.जगदीशचन्द्र पोखरेल,नियर्सका सदस्य ओम धरानन्द राजोपाध्याय, अर्थ विज्ञहरु विनय महर्जन ,विष्णु काफ्ले,विरेन्द्र साह लगायतले प्रशिक्षण दिएका थिए ।
देशको विद्यमान अवस्थाका कारण अवरुद्ध हुँदै आएको क्षमता विकासका क्रियाकलापहरू अब अघि बढाइएको नेपाल उद्योग वाणिज्य महासंघ कोशी प्रदेश समितिका अध्यक्ष राजेन्द्र राउतले बताए । यो प्रशिक्षणका माध्यमबाट थप स-साना आर्थिक क्रियाकलापहरू हुनेमा उनी विश्वस्त छन् ।
कार्यशालामा कोशी प्रदेशका १४ वटै जिल्लाका ३८ वटा नगर र जिल्ला उद्योग वाणिज्य संघका अध्यक्ष, प्रतिनिधि र कार्यालय सचिवहरूको सहभागिता रहेको कार्यकारी निर्देशक राधारमण भण्डारी (श्याम) ले जानकारी दिए ।
उपनिर्वाचनमा केन्द्रीय नेताहरुको चासो,राप्रपा अध्यक्ष लिङ्देन र प्रवक्ता शाही मंगलबार ग्रामथान आउदै
आठ जना एसएसपी डिआइजीमा बढुवाका लागि सिफारिस
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
