featured photo: Birat Post

विराटनगर,१० असोज ।
विराटनगरमा नेपाल जेसीजको एरिया ‘ए’ सम्मेलन हुँने भएको छ । असोज १२ र १३ गते यो सम्मेलन हुने छ । जसमा १ हजार ५ सय भन्दा बढि युवाहरुको सहभागिता रहने छ ।
जेसीजले बुधबार विराटनगरमा आयोजना गरेको पत्रकार सम्मेलनमा बोल्दै विराटनगर जेसीजका अध्यक्ष अभिनास थापाले भने ,” युवाहरुको सहभागिता रहने यो कार्यक्रम देशकै लागि अत्यन्तै फलदायी हुनेछ । १९ वर्ष पछि हुन लागेको यो कार्यक्रमले वर्तमान स्थितिमा युवाहरुको अवस्था र भुमिकाका विषयमा बोल्नेछ ।,” यस्तै सोही कार्यक्रममा राष्ट्रिय आविश्कार केन्द्रका प्रमुख महावीर पुनलाई ५० हजार नगद सहयोग गरिने आयोजकको भनाइ छ ।

सम्मेलनको उद्घाटन कोशी प्रदेशका मुख्यमन्त्री हिक्मतकुमार कार्कीले गर्नेछन् । विराटनगर स्थित सिटी पार्टी प्यालेसमा यो सम्मेलन चल्नेछ । पत्रकार सम्मेलनमा नेपाल जेसीजका राष्ट्रिय कार्यकारिणी उपाध्यक्ष तथा एरिया ‘ए’ सम्मेलनका उपाध्यक्ष रश्मी बस्नेत ,सम्मेलन निर्देशक ठाकुर प्रसाद आचार्य ,जेसिजका अग्रज व्यक्तित्वहरु घनश्याम राठी,श्यामसुन्दर पौडेल,टिकाराज ढकाल,गुरुदेव पौडेल लगायतको सहभागिता रहेको थियो ।