featured photo: Birat Post

विराटनगर ,४ असोज । नेपाल टेलिकम सुरुङ्गा साखाका निमित्त कार्यालय प्रमुख दिलिप सुवेदी अझै फेला परेका छैनन् । गत शनिवार विहान ९ बजेदेखि आफ्नो क्वाटर कनकाई नगरपालिका ३, सुरुङ्गा नयाँबस्तीबाट अचानक वेपत्ता भएका सुवेदीको खोजी कार्य जारी रहेपनि हाल सम्म उनको अवस्था पत्ता लाग्न नसकेको हो ।

अधिकृत छैठौ तहका कर्मचारी ३१ बर्षिय सुवेदीकी श्रीमती ब्रजुना भट्टराई सुवेदीले आफ्ना श्रीमानसग अन्तिम पटक शनिवार ८ बजेर ४९ मिनेटमा कुराकानी भएको र कुराकानीमा सामान्य कुरा मात्रै भएको बताएकी छन् । फेरि १२ बजेकुरा गर्दा मोवाईल अफ रहेको पाएको श्रीमतीले बताइन्।

विराटनगर महानगरपालिका- ४ राजवंशी चौकमा स्थायी घर भएका सुवेदी आफुभने टेलिकमले उपलब्ध गराएको क्वाटरमा बस्दै आएका थिए। टेलिकमको कार्यालयदेखि डेरा ५ सय मिटर नजिक्कै रहेको छ । सुवेदी गत फागुन महिनामा मात्रै बिवाह बन्धनमा बाधिएका थिए ।

कोठामा चाबी लगाएको र पिएको पानीको ग्लास समेत ओछ्यानमै रहेको तथा मोवाईल बोकेर गएको स्कुटीको चाबी मोवाइलको चार्जर र पर्स कोठामै छाडेको अवस्थामा पाइएको इलाका प्रहरी कार्यालय सुरुङ्गाका बरिष्ठ प्रहरी नायव निरिक्षक अशोक कोइरालाले बताए । उनको खोजी कार्य भइरहेको छ । गत फागुन महिनादेखि सुरुङ्गा टेलिकम साखाका सुवेदी वेपक्ता भएपछि परिवार चिन्तित भएको छ ।