Birat Post बिहिबार, भाद्र २१, २०८० मा प्रकाशित
विराटनगर,२१ भदौ । आर्थिक मन्दी तथा आयात निर्यातमा ह्रास आउँदा विराटनगर भन्सार कार्यालयको साउनमा निर्धारित लक्ष्यभन्दा कम राजस्व संकलन भएको छ।
भन्सार कार्यालयका अनुसार ०८० /८१ को साउन महिनाका लागि राखिएको निर्धारित लक्ष्यको ८१ दशमलव ५६ प्रतिशत राजश्व संकलन भएको हो।
नेपालमा हुने आयात र अन्य देशमा हुने निर्यातसँगै आर्थिक मन्दीका कारण साउनमा २ अर्ब ८५ करोड २९ लाख रुपैयाँ राजस्व संकलन भएको छ।
सो महिना कार्यालयलाई ३ अर्ब ४९ करोड ७६ लाख रुपैयाँ राजस्व संकलनको लक्ष्य राखिएको थियो।
कार्यालयका अनुसार गत वर्षको साउनभन्दा पनि कम राजस्व यसपटक संकलन भएको हो। गत वर्ष साउनमा कार्यालयले २ अर्ब ९५ करोड १४ लाख रुपैयाँ राजस्व संकलन गरेको तथ्यांकमा देखिएको छ।
यस वर्ष कार्यालयलाई राजस्व संकलन र लक्ष्यबीच समानता नदेखिएपछि मासिक राजस्व संकलन लक्ष्यसमेत कम गरिएको थियो।
सोहीअनुसार भन्सार कार्यालयलाई ३ अर्ब ४९ करोड ७६ लाख रुपैयाँमा सीमित गरिएको थियो।
शिक्षकहरु अब कक्षा १२ को परीक्षामा पनि सहभागी नहुने,देशभरका सबै विद्यालय अनिश्चितकालीन बन्द रहने
नेकपा एमाले विराटनगरको दोस्रो अधिवेशन हुँदै, उप-सचिवमा कला डाँगीको सम्भावना
कांग्रेसले विवेकपूर्ण निर्णय लिने बेला भो : डा.शेखर कोइराला
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
