Birat Post बिहिबार, साउन १८, २०८० मा प्रकाशित
विराटनगर,१८ साउन । कोशी प्रदेशका नवनियुक्त मुख्यमन्त्री उद्धव थापाले सपथ ग्रहण गरेलगत्तै प्राजातान्त्रिक आन्दोलनका धरोहर पुष्पलाल श्रेष्ठ र कृष्णप्रसाद कोइरालाको अर्धकदको सालिकमा माल्यार्पण गरेका छन ।
पुष्पलाल श्रेष्ठ कम्यूनिष्ठ पार्टीको सूत्रधार तथा जन्मदाता हुन भने कृष्णप्रसाद कोइराला प्रजातन्त्र प्राप्तीका लागि राणा विरुद्ध आन्दोलन गर्ने कमान्डर हुन । उनी वीपी कोइराला र गिरिजाप्रसाद कोइरालाका पिताजी पनि हुन ।
वुद्यवार साझ ५ बजे प्रदेश प्रमुख कार्यालय विराटनगरमा सपथ ग्रहण कार्यक्र सकिए लगत्तै मुख्यमन्त्रीले बरगाछी चौकमा रहेको कृष्णप्रसाद कोइराला र पुष्पलाल चौकमा रहेको पुष्पलाल श्रेष्ठको अर्धकदको सालिकमा फुलमाला लगाएर माल्यार्पण गरेका हुन ।
कोशी प्रदेशमा कांग्रेसले पहिलो पटक नेतृत्व लिएपछि मुख्यमन्त्री थापाले प्राजातान्त्रिक आन्दोलनका दुवै नेतालाई स्मरण गरेका हुन । प्राजातन्त्र ल्याउन दुवैको महत्वपूर्ण भूमिका रहेको स्मरण गर्दै थापाले भने, हाम्रो लागि दुवै नेता प्रति उच्च समान र सदभाव छ ।
जुन पार्टीले प्रदेशको नेतृत्व लिन्छ त्यही पार्टीका सम्मानित नेताको मात्र स्मरण गर्दै माल्यार्पण गर्ने विगतको प्रचलनलाई नवनियुक्त मुख्यमन्त्री थापाले क्रमभगं गरेर सवै नेताको उच्च सम्मान गरेका हुन । थापाले माल्यार्पण सकेर मात्र मुख्यमन्त्रीको पदभार ग्रहण गरे र मन्त्रीपरिषदको बैठक गरे ।
मुख्यमन्त्री थापा सहित गठबन्धन दलका तर्फबाट माओवादी केन्द्रबाट आर्थिक मामिला तथा योजना मन्त्री बनेका बाबुराम गौतम , काग्रेसबाट सिचाई उर्जामन्त्री बनेका प्रदिप सुनवार र नेकपा एसबाट भौतिक पूर्वाधार मन्त्री बनेका कमल जवेगुले पनि दुवै नेताको सालिकमा माल्यार्पण गरे ।
माघ ८ बाट बिर्तामोडमा ‘अन्तर्राष्ट्रिय औद्योगिक व्यापार महोत्सव’
धर्म र संस्कृतिको जर्गेनामा सबै लाग्नुपर्छ : मेयर कोइराला
पत्रकारलाई सम्मान गर्दै नेता सिटौलाले भने, ‘‘जनताको माझबाट गरिबी हटाउन प्रेस जगतले झकझकाउनुपर्छ”
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
