featured photo: Birat Post

विराटनगर,१८ साउन ।
विराटनगरका उद्योगी,व्यवसायीले “थुन्ने की सुन्ने” कार्यक्रम गर्ने भएका छन् । उद्योग व्यवसाय क्षेत्रहरुले भोग्दै आएका समस्याहरुको समाधानका लागि नीतिगत बहस र पैरवी गर्दै यो कार्यक्रम गर्न लागिएको हो ।

उद्योग संगठन मोरङको अगुवाईमा हुन लागेको कार्यक्रममा राजनीतिक दलका नीतिनिर्माण तहमा भूमिका खेल्ने सांसदहरुको समेत सहभागिता रहने जनाइएको छ । अर्थ सम्वाद श्रृङ्खला “थुन्ने की सुन्ने” कार्यक्रम १९ गते शुक्रबार ३ वजे गर्ने जनाइएको छ ।

संगठनद्वारा आमन्त्रण गरिएको पत्रमा भनिएको छ,”पछिल्लो केही प्रतिनिधि घटनाका कारण नीजि क्षेत्रमा सिर्जना भएको भय र त्रासको वातावरणले नया लगानी आउनुको विपरित भएका लगानी समेत पलायन हुने अवस्था सिर्जना हुदै गएको छ । यस अवस्थामा नीजि क्षेत्रका उद्योगी व्यवसायीलाई राज्यले गर्ने व्यवहार र सामाजिक रुपमा हेर्ने दृष्टिकोणमा परिवर्तन ल्याउन कुनै न कुनै क्षेत्रले अहम भूमिका निर्वाह गनुपर्ने आवश्यकता वोध गरी उद्योग संगठन मोरङले यसखाले कार्यक्रम आयोजना गरेको हो । “