Birat Post सोमबार, जेठ २२, २०८० मा प्रकाशित
विराटनगर,२२ जेठ / विराटनगर महानगरपालिकाका मेयर नागेश कोइरालाले हरेक घरमा वृक्षारोपण गर्न आग्रह गरेका छन् ।
५० औं विश्व वातावरण दिवसका अवसरमा ब्रम्हाकुमारी राजयोग सेवा केन्द्र विराटनगर र विभिन्न संस्थाको सहकार्यमा विराटनगर महानगरपालिकाको वातावरण शाखाले आयोजना गरेको छुट्टटाछुट्टै कार्यक्रमलाई सम्बोधन गर्दै मेयर कोइरालाले वनजंगल मासिँदै जाँदा वातावरणमा गम्भीर असर परेको बताए ।
उनले दिवसमा मात्रै नभएर वातावरण संरक्षणमा अन्य समयमा पनि लाग्नुपर्नेमा जोड दिए । “सहरी क्षेत्रमा पनि हरेक घरमा केही न केही जग्गा खाली हुन्छ, जति जग्गा छ त्यहाँ विरुवा रोपौं,” उनले भने, “यदि ठाउँ छैन भने घरको छतमा भए पनि ठूला नहुने विरुवा रोपौं । यसले पनि महानगरलाई हरियाली बनाउन सहयोग पुग्छ ।” मेयर कोइरालाले जलवायु परिवर्तनका कारण मानवजीवनसँगै जीवजन्तु र पशुपंक्षीमा समेत गम्भीर असर पर्न थालेको उनले उल्लेख गरे ।
“अहिलेको जुन जलवायु परिवर्तनको समस्या छ । यो हाम्रो जस्तो देश र हामीले गरेर रोक्न सकिँदैन,” उनले भने , “तर हामीले वृक्षारोपण गरेर, वनजंगल जोगाएर हरियाली बनाउन सक्छौं ।” ‘एक घर एक रुख’को नीतिलाई महानगरले कडाइका साथ लागू गर्ने उनले प्रतिबद्धता जनाए ।
ब्रम्ह्राकुमारी राजयोग सेवा केन्द्रकी सञ्चालिका गीता दिदीको अध्यक्षतामा भएको कार्यक्रममा भारतको गड्डीउड स्टुडियोका नेपाली र बंगाली भाषा विभागका प्रमुख चित्तरञ्जन भाइ, स्नातकोत्तर क्याम्पस विराटनगरका प्राणी विभागका उपप्राध्यापक रामचन्द्र अधिकारी, महेन्द्र मोरङ क्याम्पस विराटनगरका रासायन विभागका प्रमुख प्रा.डा. अजय भट्टराई, राजयोग प्रशिक्षक तुलसी उप्रेती, विनोद भाइ , विराटनगर वडा नम्बर १० का अध्यक्ष अर्जुन गिरी लगायतको सहभागिता रहेको थियो ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
