Birat Post सोमबार, जेठ २२, २०८० मा प्रकाशित
काठमान्डौं,२२ जेठ । नेपाल वनस्पती घिउ–तेल उत्पादक संघले वनस्पति घिउ–तेलमा लगाएको भन्सार शुल्क घटाउन माग गरेको छ । वनस्पति घ्यू तेल उत्पादन संघले सोमबार पत्रकार सम्मेलन गर्दै यस्तो बताएको हो ।
सरकारले आगामी आर्थिक वर्ष २०८०–०८१ को बजेटमा वनस्पति घिउ–तेलको उत्पादन उद्योगीहरूलाई एक प्रतिशत रहेको भन्सार महसुल दरलाई १० प्रतिशत कायम गरेपछि उद्योगीहरूले विरोध जनाउदै आइरहेका छन् ।
कार्यक्रममा नेपाल वनस्पति घ्यु तेल उद्योग उत्पादक संघका अध्यक्ष विकास दुगडले भन्सार महशुल बढाउने सरकारको नीतिले २६ उद्योग बन्द हुने अवस्था सिर्जना भएको बताएका छन् । भारतबाट चोरी तस्करी भएर खानेतेल भित्रीएको अवस्थामा १ प्रतिशत रहेको भन्सार महशुललाई बजेटले १० प्रतिशत बनाएकाले नेपाली उद्योगले महँगो भन्सार तिरेर तस्करीको तेलसँग प्रतिस्पर्धा गर्न नसक्ने दुगडले बताए ।
यस्तै, नेपाल परिसंघका अध्यक्ष विष्णुप्रसाद अग्रवालले देशमा रोजगारी सिर्जनामा महत्वपूर्ण योगदान दिने घ्यु तेल उद्योगलाई संरक्षण गर्ने गरि भन्सार महशुल घट्नु पर्ने माग गरेका छन् ।
हाल स्वदेशी लगानीका २६ वटा वनस्पति घ्यू तेल उद्योगहरू सञ्चालनमा छन् । जसको सञ्चालित भएको औषत वर्ष २५ वर्ष नाघेको छ । यी उद्योगहरूमा एक अर्ब रुपैयाँ लगानी रहेको छ भने १५ हजार जनाले रोजगारी पाएका छन् ।
नेपाल वनस्पति घ्यू तेल उत्पादक संघका अनुसार भारत सरकारले २०७९ जेठ १० गतेबाट उच्च महँगीको चापबाट उपभोक्ताहरूलाई राहत दिनका लागी खाने तेलको भन्सार महसुल शुन्य प्रतिशत र जिएसटी ५ प्रतिशत मात्र कायम गरेको छ । जबकि नेपालमा कच्चा पदार्थमा १० प्रतिशत भन्सार महसुल र मूल्य अभिवृद्धि कर १३ प्रतिशत गरी सरदर २५ प्रतिशत लागी आएको हुँदा यसवाट स्वदेशी उद्योगहरूको उत्पादन लागतमा वृद्धि हुन गएको छ ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
