विराटनगर,९ बैशाख । कोशी प्रदेश नामाकरणको माग गर्दै भएको आन्दोलनको क्रममा निधन भएका पदम लिम्बुको शवयात्राको क्रममा झडप भएको छ। शवयात्राको क्रममा आक्रोशित युवाहरु नियन्त्रण बाहिर जान थालेपछि विराटनगरको रोडशेषमा झडप भएको हो। शबयात्राका लागि विभिन्न स्थानको तय गरिएको थियो सोही अनुरुप शवलाई विराटनगरमा ल्याइएको थियो । स्थीतिलाई नियन्त्रणमा लिनका लागि प्रहरीले अश्रुग्याँस छाडेको छ ।
एक महिनाअघि सुरक्षाकर्मीको लाठी प्रहारबाट घाइते भई उपचारका क्रममा निधन भएका सहिद लिम्बूको आज अत्येष्टि गरिनु शवयात्रा गरिएको हो।‘पहिचानवादी आन्दोलन’ मा मृत्यु भएका लिम्बूलाई राजपत्रमा प्रकाशित गर्दै सहिद घोषणा गरिसकेको छ।
संघीय लिम्बुवान राष्ट्रिय मञ्चका सुनसरी अध्यक्ष अमर इजमले जानकारी दिए अनुसार झन्डै एक महिना देखी धरानस्थित बीपी कोइराला स्वास्थ्य विज्ञान प्रतिष्ठानको मर्चरी हाउसमा राखिएको शवलाई याक्थुङ लिम्बू परम्पराअनुसार शनिवार अन्त्येष्टि गर्न लागिएको हो।