Birat Post आइतबार, बैशाख ०३, २०८० मा प्रकाशित
विराटनगर,३ बैशाख / विराटनगर महानगरपालिकाका मेयर नागेश कोइरालाले तालिममा सिकेका सीपलाई अधिकांशले व्यवहारमा नउतार्ने गरेको बताएका छन् ।
विराटनगर–८ स्थित अम्बे मुरारी सेवा केन्द्रले सञ्चालन गरेको १५ दिने घरेलु जुत्ताचप्पल बनाउने तालिमको समापन समारोहलाई सम्बोधन गर्दै तालिमपछि प्रमाणपत्रलाई सिरानीले थिचेर थन्क्याउने गरेको बताए ।
उनले तालिममा सिकेको सीपलाई व्यवहारमा नउतारेसम्म समाजले प्रतिफल प्राप्त नगर्ने दाबी गरे । मेयर कोइरालाले महिलाको सीप विकासमा महानगरपालिका गम्भीर रहेकोसमेत सुनाए । “महिलाहरुलाई स्वरोजगार बनाउन महानगर सहयोग गर्न तयार छ,” उनले भने, “तर सीप सिकिसकेपछि त्यसलाई व्यवहारमा उतार्नुपर्छ ।”
कार्यक्रममा आयोजक संस्थाकी संस्थापक अध्यक्ष भारती पोखरेलले सेवा केन्द्रले विगतदेखि नै सीपमूलक तालिम सञ्चालन गर्दै आएको जानकारी दिइन् ।
तालिममा ३० जना महिलाको सहभागिता रहेको सचिव लक्ष्मी चौधरीले बताइन् । सो अवसरमा समाजसेवी गणेशप्रसाद पोखरेल, महिला उद्यमी सुनिता छाराहाङ, प्रशिक्षक मालती आचार्य, आयोजक संस्थाका महासचिव गंगाप्रसाद यादवलगायतले मन्तव्य व्यक्त गरे । सो अवसरमा प्रशिक्षार्थीहरुलाई प्रमाणपत्रसमेत वितरण गरिएको थियो ।
विराट एक्स्पोमा व्यवसायीक सहकार्यकालागि विराट बजार विटुवि पेभिलियनको व्यवस्था
भारत उत्तर प्रदेशको प्रयागराजस्थित त्रिवेणी संगममा महाकुम्भ,धर्मानुरागीको भिड
स्वस्थानीको कथा सुन्ने र सुनाउने चलन,धर्मप्रतिको जनविश्वास अझ बढ्दो
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
