Birat Post बुधबार, चैत्र २९, २०७९ मा प्रकाशित
इलाम ,२९ चैत/ विर्तामोड युनाइटेडलाई हराउँदै बुट्टाबारी युनाइटेड तेश्रो सन्दकपुर गोल्डकपको फाइनल प्रवेश गरेको छ । निक्कै प्रतिस्पर्धात्मक बनेको खेलमा सडनडेथ प्रहारमा ३—२ गोल अन्तरले बिजयी बन्दै बुट्टाबारी फाइनल प्रवेश गरेको हो । निर्धारित समयको खेलमा दुवै टोलीबाट १—१ गोल भएको थियो । खेलको सुरुवाती अग्रता बुट्टाबारीले बनाएको थियो ।
खेलको ५९ औ मिनेटमा प्रदिप बुढाथोकीले सुरुवाती गोल गरेका थिए । ६४ औ मिनेटमा बिशाल तामाङले पेनाल्टी मार्फत खेल बराबरीमा ल्याए । त्यसपछिको खेलमा दुवै टोलीबाट गोल नभएपनि निर्णयको लागि पेनाल्टी सुटआउट रोजिएको थियो । बुट्टाबारीका निरोज कार्की, प्रदिप बुढाथोकी र विकाश थुलुङले गोल गरे । बिशाल दर्जी, दुर्लभ तिवारी र रोमन भुजेलको प्रहार गोलरक्षक रोशन गुरुङले बचाएका थिए ।
विर्तामोडका विशाल तामाङ र निशान लामाले गोल गरे । कप्तान विक्रम तामाङ र रिजन गुरुङको प्रहार फ्रेममा पर्न सकेन् । दिनेश मुर्मु र सूर्य टुडुको प्रहार गोलरक्षक युवराज पुरीले बचाएका थिए । खेलको म्यान अफ दि म्याच बिजेता टिमका गोलरक्षक युवराज पुरी घोषित भए । फाइनल प्रवेशसंगै बुट्टाबारीले फिक्कल युनाइटेडसंग बैशाख १ गते प्रतिस्पर्धा गर्नेछ ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
