Birat Post सोमबार, चैत्र २०, २०७९ मा प्रकाशित
विराटनगर २० चैत ।
टाउको खोलेर गरिएको शल्यक्रिया सफल भए संगै कोशी अस्पतालका चिकित्सक उत्साहित देखिएका छन् । कोशीमा पहिलो पटक टाउकाको शल्यक्रिया भएको हो ।
अस्पतालका न्यूरो सर्जन डा. चन्द्र प्रकाश यादवको नेतृत्वको टिमले मोरङको जहदा गाउँपालिका – २ नयाँटोलका ७ वर्षीय बलवीर राजभारको टाउकोभित्र मतिष्कमा गाढिएको हड्डी शल्यक्रिया गरी निकाल्न सफल भएको हो ।
राजभारको मतिष्कमा दुई हप्तादेखि गाढिएको हड्टी ढेड घण्टा शल्यक्रिया गरी निकाल्न सफल भएको अस्पतालले जनाएको छ । राजभार खेल्ने क्रममा दुई हप्ता अगाडी टाउकोमा बाँसको भाटाले लागेर गम्भिर चोट लागेको थियो ।
आर्थिक अवस्था नाजुक रहेको राजभार परिवारले उपचार गर्ने खर्च नभएपछि झण्डै एक हप्ता घरमै बलवीरलाई राखेका थिए । उपचार गर्ने खर्च नभएको कारण थाहाँ भए संगै डाक्टर यादव संगको परामर्शमा अस्पताल प्रशासनले नि:शुल्क शल्यक्रिया र उपचार गरेको थियो । अप्रेसन सफल भएकोमा डा.यादव खुसी देखिएका छन् ।
सोमबार कोशी अस्पतालका निमिक्त प्रमुख मेडिकल सुपरिन्टेण्डेन्ट रविन राज सिंह सहितको टोलिले बिरामी बलवीर राजभारकोको स्वास्थ्य अवस्थाका विषयमा जानकारी लिएको छ ।
उनको स्वास्थ्य राम्रो रहेको भन्दै सुपरिन्टेण्डेन्ट सिंहले न्यूरो सर्जरीका विषयमा सफलता हासिल गरेकोमा खुसी व्यक्त गरे । अस्पताल सुधारका काममा लागेका सिंह हरेक बिरामीको उपचारका लागि आवश्यक प्रविधि भित्राउन आफु लागिरहेको बताउछन् ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
