Birat Post बुधबार, फाल्गुण १७, २०७९ मा प्रकाशित
स्वस्तिका पोखरेल
विराटनगर,१७ फागुन ।
बहिरा तथा अपाङ्गताको क्षेत्रमा काम गर्दै आएको कोशी बहिरा संघलाई स्थानिय तहका जनप्रतिनिधिहरुले सहयोग जारी राख्ने प्रतिवद्धता व्यक्त गरेका छन् । संघले बहिरा तथा अपाङ्गताको क्षेत्रमा सयौ काम गर्दै आएको छ । संघले गरेका कार्यक्रम अत्यन्तै प्रभावकारी भएको र रिजल्ट दिन सफल भएको भन्दै स्थानिय तहका प्रमुखहरुले यसखाले प्रतिबद्धता जनाएका हुन् ।
विराटनगर महानगर उपमेयर शिल्पा निरौला कार्कीले बहिरा संघले गरेका कामबाट आफुहरु पनि प्रभावित भएको र संस्थालाई सहयोग निरन्तर रहीरहने प्रतिबद्धता जनाइन् । महानगरले अपाङ्गताका क्षेत्रमा सक्दो सहयोग गरिरहेको र यसमा कुनै पनि कन्जुस्याई नगरिने उनको धारणा थियो । अपाङ्ग मैत्री व्यवस्थापनमा महानगर लागिरहेको उनले बताइन् । अपाङ्गता भएकाहरुले सवलङ्ग सरह बाच्ने,खेल्ने र शिक्षा आर्जन गर्ने कुरामा कुनैपनि कमी हुन नदिने बताइन् ।
यस्तै रंगेली नगरपालिका मेयर दिलिप कुमार अग्रवालले मस्तिष्क पक्षघात देखी विभिन्न बौद्धिक अपाङ्गता भएकाहरुको संरक्षण गर्ने दायित्व राज्यको पनि भएको र यसका लागि सवैखाले सहयोग गर्न नगरपालिका तयार रहेको बताए । अपाङ्गता भएकाहरुको हेरचाह र संरक्षण गर्ने कार्य पनि कठिन भएको हुदा यसका लागि अतिरिक्त खट्ने व्यक्तिलाई समेत प्रोत्साहन र सहयोगको आवश्यकता रहेको औल्याए । उनले रंगेली नगरपालिकामा अपाङ्गता भएका व्यक्ति र गाह्रो साह्रो परेकाहरुलाई सहयोग गरिरहेको बताए । उनले अपाङ्गताको क्षेत्रमा काम गरिरहने संस्थाको प्रोत्साहन र कार्यक्रममा बजेटको व्यवस्था गर्ने बताए ।
यस्तै सुन्दरहरैचा नगरपालिकाका मेयर केदार प्रसाद गुरागाईले अपाङ्गता भएका परिवारले मात्रै बोध गर्न सक्ने यसखाले समस्यालाई राज्यले उचित सहयोग गर्न नसकेको बताए । अपाङ्गता भएका व्यक्ति र तीनको परिवारमा जनचेतनामुलक कार्यक्रम र सहयोग संगै लानुपर्ने औल्याए । यसका लागि सुन्दरहरैचा नगरपालिकाले काम गर्ने सहयोगी संस्थाहरुलाई सहयोग गर्ने प्रतिबद्धता व्यक्त गरे । कार्यक्रममा कोशी बहिरा संघका महासचिव रन्जन निरौला,कोषाध्यक्ष जीवन दाहाल,श्रवण दृष्टिविहिन अभिभावक समाजका अध्यक्ष नर्मता नेपाल ,दोभाषे सन्तोषी तिवारी,पत्रकार कौशल निरौला,अविजाल विष्ट लगायतले आ–आफ्ना धारणा राखेका थिए ।
पार्टी सभापति शेरबहादुर देउवालाई कोइराला पक्षका साना नेताहरुको सत्तोसराप, कोइराला र रिजालले कुरा चपाएर भाषण गरे
विराटनगरमा उर्जा सर्वेक्षणको प्रारम्भिक प्रतिवेदनमा अन्तरक्रिया
केन्द्रको निर्देशन विपरीत कोशीमा शेखर कोइरालाको एकपक्षीय पालिका सभापतिको भेला
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
