Birat Post आइतबार, फाल्गुण ०७, २०७९ मा प्रकाशित
विराटनगर,७ फाल्गुन /
७३ औं राष्ट्रिय प्रजातन्त्र दिवसका अवसरमा विराटनगर–११ स्थित अलकाटोल (घ) टोल समितिले ज्येष्ठ नागरिकलाई सम्मान गरेको छ । विराटनगर–११ पिचरास्थित ज्येष्ठ नागरिक सामुदायिक भवनमा आयोजित कार्यक्रममा टोल समितिले ज्येष्ठ नागरिक मानबहादुर रायमाझी र इन्द्रमाया सुवेदीलाई सम्मान गरेको हो । कार्यक्रमका प्रमुख अतिथिसमेत रहनु भएका वडाध्यक्ष तीर्थेन्द्र नेउपानेले रायमाझी र सुवेदीलाई दोसल्ला ओढाएर सम्मानपत्र प्रदान गरेका थिए ।
सो अवसरमा वडाध्यक्ष नेउपानेले ज्येष्ठ नागरिक समाजका प्रेरणाका स्रोत भएको बताए । उनले विराटनगर–११ स्थित ज्येष्ठ नागरिक सामुदायिक भवनमा पुस्तकालयसहित संग्राहलाय स्थापना गर्ने उद्घोष गरे । भावीपुस्तालाई संग्राहालय प्रेरणाको स्रोत हुन सक्ने उनको भनाइ थियो । विगत ७ वर्षदेखि प्रजातन्त्र दिवसको अवसर पारेर समाजमा योगदान पुर्याउने ज्येष्ठ नागरिकलाई सम्मान गर्दै आएको आयोजक संस्था टोल समितिका अध्यक्ष यादनरसिंह कार्कीले जानकारी दिए ।
कार्यक्रममा समाजसेवी चिरञ्जीवी दाहाल, ज्येष्ठ नागरिक वडा कार्यसमितिका सचिव अर्जुन भट्टराई, सामुदायिक भवनका सचिव खगेन्द्र संग्रौला, प्राध्यापक भूषण ढुंगेल, ज्येष्ठ नागरिक समाजका सल्लाहकार वीरेन्द्र कार्कीलगायतले प्रजातन्त्र दिवसको महत्व र औचित्यमाथि आ–आफ्ना विचार प्रकट गरेका थिए । त्यसैगरी सोही अवसरमा वरिष्ठ साहित्यकार कृष्णराज कोइराला, कवि इन्द्र खतिवडा, मोहन ताम्राकारलगायतले प्रजातन्त्र दिवससँग सम्बन्धित कविता सुनाएका थिए ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
