Birat Post शुक्रबार, माघ २७, २०७९ मा प्रकाशित
विराटनगर,२७ माघ/
विराटनगर महानगरपालिकाका मेयर नागेश कोइरालाले शिक्षाको विकास बिना अन्य क्षेत्रको विकास सम्भव नभएको बताएका छन् ।
२९ औं अभिभावक दिवसका अवसर पारेर विराटनगरस्थित एभरेष्ट सेकेण्डरी स्कुलले आयोजना गरेको समारोहलाई सम्बोधन गर्दै मेयर कोइरालाले विकासको जग शिक्षा भएकाले महानगरले शिक्षा क्षेत्रलाई उच्च प्राथमिकतामा राखेर काम गरिरहेको उल्लेख गरे ।
मेयर कोइरालाले सामुदायिक र संस्थागत विद्यालयलाई सँगसँगै अगाडि बढाउनुपर्नेमा जोड दिए । सीपमूलक र व्यवहारिक शिक्षा नदिएसम्म उत्पादित जनशक्तिले रोजगारी पाउन नसक्ने उनको भनाइ थियो । दक्ष जनशक्तिले मात्रै विश्वका जुनसुकै कुनामा गए पनि रोजगारी पाउने मेयर कोइरालाले बताए ।
कार्यक्रममा विद्यालयका प्राचार्य टीकाराम पुरीले शैक्षिक क्षेत्रमा लागेका व्यक्तिले जहिले पनि सत्य कुरा मात्रै बोल्ने गरेको दाबी गरे । कार्यक्रममा लामो समयदेखि विद्यालयमा कार्यरत घननाथ आचार्य, सशीलकुमार शाही र सुनिता परजुलीलाई दोसल्ला ओढाएर सम्मान गरिएको थियो । सो अवसरमा विद्यार्थीहरुले विभिन्न सांस्कृतिक नृत्य तथा कला प्रस्तुत गरेका थिए ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
