Birat Post मंगलबार, माघ २४, २०७९ मा प्रकाशित
विराटनगर,२४ माघ ।
प्रदेश १ का मुख्यमन्त्री हिकमत कार्कीले प्राविधिक शिक्षालाई विकास र विस्तार गर्न आवश्यक भएको बताएका छन् ।
प्राविधिक प्रशिक्षक प्रतिष्ठान र प्राविधिक शिक्षा तथा व्यवसायीक तालिम परिषद १ नं प्रदेश कार्यालयको आयोजनामा भएको कार्यक्रममा बोल्दै उनले यस्तो बताएका हुन् ।
उनले प्राविधिक शिक्षामा गरिए अनुसारको प्रतिफल प्राप्तिमा लाग्न जरूरी भएको बताए । प्राविधिक जनशक्ति उत्पादन र यसको प्रतिफल राम्रो बनाउन सवै तहका सरकार संग समन्वय गरि अगाडि बढ्ने बताए ।
यस्तै प्रदेश १ का सामाजिक विकास मन्त्री बुद्धिकुमार राजभण्डारीले प्राविधिक शिक्षाको लगानीमा राज्यकोषबाट भएको लगानी दुरुपयोग रोक्न आबश्यक भएको बताए ।
शिक्षानितिमा सुधार आबश्यक रहेको र यसका लागि व्यापकरूपमा अनुगमनको पाटोलाई अगाडि बढाउनुपर्नेमा जोड दिए । प्राविधिक शिक्षाको लगानीमा राज्य निकै अगाडि बढेपनि सोचेजस्तो प्रतिफल पाउन नसकिएको बताए । प्रदेश १ को भुगोल विकट पनि रहेको र दुरदराजका गरिब भुइमान्छे रोजगार बनाउन पनि प्राविधिक शिक्षा फलदायी बन्ने र यसलाई अझै प्रभाकारी बनाउन उनले आग्रह गरे ।
गुणस्तरीय व्यवसायीक शिक्षाका लागि शिक्षक क्षमता विकास अन्तरक्रिया कार्यक्रम दिएको कार्यक्रममा प्रदेश १ का सरकारी,आंगिक साझेदारी शिक्षालय,सरकारी विद्यालयमा प्राविधिक शिक्षा लागू गरेका टेक्स विद्यालय र निजि स्तरवाट सन्चालित ३२ शिक्षालयका प्राचार्यहरूको सहभागीता रहेको थियो ।
टिआइ टिआइका अध्यक्ष राजेन्द्र प्रसाद अधिकारीको अध्यक्षतामा भएको कार्यक्रममा सिटिईभिटिईका उपाध्यक्ष खगेन्द्र प्रसाद अधिकारी ,मनमोहन विश्वविद्यालयका उपकुलपति डाक्टर सुभास पोखरेल,टिआई टिआईका कार्यकारी निर्देशक इन्जिनियर महेश भट्टराई लगायतको सहभागीता रहेको थियोे ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
