Birat Post सोमबार, माघ १६, २०७९ मा प्रकाशित
विराटनगर,१६ माघ ।
मोरङको जहदा गाउँपालिका – ४ मा रहेको शैलजा आचार्य स्मृति पोलिटेक्निकले २१ औं वार्षिक उत्सव तथा अभिभावक दिवस विविद्य कार्यक्रम आयोजना गरी मनाएको छ । वर्षेनी रोजगारमुखी विद्यार्थी उत्पादन गर्दै आएको उक्त पोलिटेक्निकले सोमबार एक कार्यक्रमको बिच वार्षिक उत्सव मनाएको हो । उक्त अवसरमा ३९ जना उत्कृष्ठ विद्यार्थी पुरस्कृत भएका छन् भने कार्यालयमा उत्कृष्ठ काम गर्ने ४ जना कर्मचारी सम्मानित भएका छन् । सम्मानित हुने विद्यार्थी तथा कर्मचारीहरुलाई नेपाली कांग्रेसका केन्द्रीय सदस्य डा. शेखर कोइरालाले प्रमाणपत्र प्रदान गरी सम्मान गरेका थिए ।
कार्यक्रममा बोेल्दै डा.कोइरालाले कठिन परिस्थितीमा स्थापना भएको पोलिटेक्निकले विपन्न बर्गका हजारौ मानिसहरुलाई रोजगार बनाएकोमा खुसी ब्यक्त गरे । शैलजा आचार्यले उसवेला स्थापना गर्दा दुरगम गाउँ रोजेको र पढ्न कोहिपनि जादैनन् होला भन्नेखालका कुराहरु आफुले त्यसबेला सुनेको स्मरण गर्दै उनले भने गाउँका मानिसहरुलाई शिक्षित र रोजगार बनाउनुपर्दछ भन्ने चेतना शैलजा आचार्यको देन हो । उनले समाज परिवर्तनका लागि शिक्षित र प्राविधिक जनशक्ति उत्पादन गर्ने पोलिटेक्निकका लागि आबश्यक प्रवन्धका लागि अधितम पहल गर्ने बताए ।
पोलिटेक्निक अध्यक्ष मीता आचार्यको अध्यक्षतामा भएको कार्यक्रममा नेपाली कांग्रेसका नेता गुरुराज घिमिरे,गोपालराज भण्डारी, जहदा गाउपालिका अध्यक्ष जितेन्द्र प्रसाद साह ,सिटिइ भिटिइ इटहरीका निर्देशक नबराज कोइराला, प्रदेश १ सामाजिक विकास मन्त्रालय शैक्षिक विकास योजना महाशाखा प्रमुख कृष्ण पोखरेल , गुठीका कोषाध्यक्ष मोहनलाल महतो,सदस्य विकास पराजुली,जवारलाल मण्डल लगायतको सहभागिता रहेको थियो । आधा दर्जन विभिन्न प्राविधिक विषयमा पढाइ हुने सो पोलिटेक्निकले वर्षेनि २ सय जना विद्यार्थीहरुलाई रोजगारमुखी शिक्षा दिने गरेको कलेज प्रमुख शन्तबहादुर अधिकारीले जानकारी दिए ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
