Birat Post बुधबार, पुष २७, २०७९ मा प्रकाशित
विराटनगर,२७ पुष ।
नेपाल विद्वत परिषदले पृथ्वी जयन्ती तथा राष्ट्रिय एकता दिवसका अवसरमा विविध कार्यक्रम गरी मनाएको छ । परिषदले बुधबार विराटनगरमा आयोजना गरेको कार्यक्रममा नेपालको एकीकरण गरेर पृथ्वीनारायण शाहले सिंगो नेपाललाई एकतावद्ध गरेको स्मरण गरियो ।
कार्यक्रममा बोल्दै परिषदका केन्द्रीय अध्यक्ष जितबहादुर अर्जेलले सरकारले पृथ्वी जयन्तिमा सार्वजनिक विदा दिने निर्णयको स्वागत गरे । दलगत स्वार्थ र विदेशीको इसारामा राजसंस्थाको बदनाम गरिनेगरेको र यस्ता कुराले देशमा दीर्घकालिन असर पर्ने उनले बताए ।
यस्तै परिषदका केन्द्रीय उपाध्यक्ष तथा पूर्वाञ्चल संयोजक बल्लभप्रसाद दाहालले राष्ट्र निर्माता माथि अपमान गरिने काम नगर्न र मातृभूभी प्रति सदैव संवेदनशिल बन्न आग्रह गरे । दलहरु प्रति इंगित गर्दै दाहालले भने “शिर्ष दलका नेताहरुमा चेतना पलाएको छ । यसको संकेतहरु देखिन थालेका छन् । शिर्ष दलका नेता र राजा मिलेर देशलाई सही गन्तब्यमा लान सकिन्छ ।”
कार्यक्रममा पूर्वमन्त्री बद्रीप्रसाद मण्डल, राष्ट्रिय प्रजातन्त्र पार्टी मोरङका अध्यक्ष माधवप्रसाद आचार्य, परिषदका मोरङ जिल्ला अध्यक्ष पुष्पराज दाहाल,हिडपाली समाजका अध्यक्ष श्याम अधिकारी,परिषदका कपिल पोखरेल लगायतको सहभागिता रहेको थियो। यस्तै परिषदले बुधबार साझ विराटनगरको ट्राफिक चोकमा दीप प्रज्वलन समेत गरेको छ ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
