featured photo: Birat Post

विराटनगर, १३ पुष । मोरङमा बजार अनुगमन प्रभावकारी बनाइने भएको छ । जिल्ला अनुगमन तथा मूल्याङ्कन समितिको आज बसेको बैठकले यस्तो निर्णय गरेको हो । बजारमा कुनै पनि किसिमको अस्वभाविक मूल्य वृद्धि, तौल, गुणस्तरलाई कायम गर्न संयुक्त्त रुपमा बजार अनुगमन कार्यलाई प्रभावकारी बनाउने निर्णय गरेको हो ।

मोरङका निमित्त प्रमुख जिल्ला अधिकारी शरदकुमार पोखरेलको अध्यक्षतामा जिल्ला प्रशासन कार्यालयको सभा हलमा बसेको बैठकले खाद्यात्र,औषधि, इन्धन लगायतका अत्यावश्यक उपभोग्य मालवस्तुको सहज आपूर्ति हुन जम्माखोरी, कृत्रिम अभाव सिर्जना, अधिक मूल्य कारोबार जस्ता अवाञ्छित गतिविधि हुन नदिने र त्यस्ता गतिविधिमा संलग्नलाई कानूनी दायरामा ल्याउने लगायतका निर्णय गरेको हो ।